ప్రభాస్ అన్న సూపర్ స్టార్ అన్నారు

టాలీవుడ్ లో ఇప్పుడు పండగ హీరో ఎవరంటే డౌట్ లేకుండా అందరు శర్వానంద్ అనేస్తున్నారు. కరెక్ట్ గా వారికి సెట్ అయ్యే కథలను ఎంచుకుంటే ప్రతి ఒక్కరు వారి వారి స్థాయిలో విజయం అందుకోవచ్చని శర్వానంద్ నిరూపించాడు. శర్వానంద్ కెరీర్ మొదట్లో కాస్త తప్పటడుగులు వేసినా.. ఆ తర్వాత తనకు సెట్ అయ్యే కథల్ని మాత్రమే చేసుకుంటూ.. వెళుతున్నాడు. అసలైన పండగలకి తన సినిమాలను రిలీజ్ చేసి మంచి విజయాన్ని అందుకుంటున్నాడు. పోటీకి ఎన్ని సినిమాలు వచ్చినా తన సినిమాతో గట్టి పోటీని ఇస్తున్నాడు.

అయితే శర్వానంద్ రీసెంట్ గా రిలీజ్ చేసిన మహానుభావుడు సినిమా మంచి టాక్ తో దూసుకుపోతోంది. స్టార్ హీరోల సినిమాలు ఉన్నా కూడా ఓ వర్గం ప్రేక్షకులు శర్వా సినిమానే చూస్తున్నారు. రీసెంట్ గా శర్వానంద్ సినిమా గురించి కొన్ని ఆసక్తికరమైన విషయాలని మీడియాతో షేర్ చేసుకున్నాడు. శర్వా మాట్లాడుతూ.. సినిమా కథను మారుతి గారు చెప్పినపుడే చాలా ఎంజాయ్ చేశాను. ఓసిడి అనేది చిన్న పాయింట్ అయినా మారుతి గారు అద్భుతంగా డైరెక్ట్ చేశారు. ప్రతి సీన్ ను చాలా ఎంటర్టైన్మెంట్ గా వచ్చింది. మొదటి సారి క్యారక్టరైజేషన్‌ తో కూడిన సినిమా చేశాను. నా నటనను చూసి శర్వా పాత్రలో పరకాయ ప్రవేశం చేశాడని మారుతి గారు చెప్పినప్పుడు చాలా హ్యాపీగా ఫీల్ అయ్యాను. అదే నాకు పెద్ద కాంప్లిమెంట్‌. ఇక ప్రభాస్ అన్న.. కాబోయే సూపర్ స్టార్ అని సంభోదించడం నాకు ఆశీర్వాదం లాంటిదని శర్వా వివరించాడు.

ఇక రెండు పెద్ద సినిమాల మధ్య మహానుభావుడు వచ్చింది టెన్షన్ గా లేదా అంటే?... శర్వా.. సెలవులు వస్తే ప్రేక్షకులకు తప్పకుండా అన్ని సినిమాలను చూడాలని అనుకుంటారు. అయినా ఇపుడు విడుదలైన మూడు సినిమాలు త్రి జోనర్స్‌కి కి చెందినవి. సో మేము కామెడీని నమ్ముకున్నామని తెలిపాడు. ఇక రొటీన్ కమర్షియల్ తరహాలో తెరకెక్కిన రాదా సినిమా తీసినప్పుడు కొందరు అవసరమా అన్నారు. సో ఇప్పటి నుండి కొత్త కథలను మాత్రమే చేయాలని అనుకుంటున్నట్లు శర్వా తెలిపాడు. నెక్స్ట్ కూడా చాలా కొత్త కథలతో వస్తున్నట్లు తెలుపుతూ.. రెండు సినిమా కథలని లైన్ లో పెట్టినట్లు వివరించాడు. ఒకటి సుధీర్ వర్మతో అలాగే మరొకటి ప్రకాష్ కోవెలమూడి దర్శకత్వంలో ఉంటుందని త్వరలోనే ఆ చిత్రాలకి సంబంధించిన వివరాలని శర్వా తెలుపుతానన్నాడు.