ఆ ఒక్క ఫోన్‌ కాల్‌ తో హిట్టొచ్చింది

అబ్బే ఫోన్‌ కాల్ ది ఏముంది అనుకునేరు. ఒక్కోసారి కొన్ని కొన్ని ఫోన్ కాల్స్‌ లైఫ్‌ ను టర్న్‌ చేసేస్తాయి. ప్రస్తుతం కుర్ర హీరో శర్వానంద్‌ ఇదే విషయాన్ని నమ్ముతున్నాడు. ఎందుకంటే ఒక సీనియర్‌ యాక్టర్‌ చేసిన ఫోన్‌ కాల్.. ఇప్పుడు అతనికి హ్యాట్రిక్‌ హిట్టును అందించింది మరి.

రిలీజ్‌ అయిన ఫస్ట్‌ డే అందరూ ఫోన్‌ చేసి ‘నీ సినిమా హిట్‌...’ అంటే పెద్దగా ఏం అనిపించలేదు. సోమవారం వసూళ్లు చూసుకొని.. ‘హమ్మయ్య నిజంగానే హిట్‌ కొట్టేశాం..’ అని గర్వంగా చెప్పుకొన్నా. ఈ విజయం నా ఒక్కడిదే కాదు.. అందరిదీ.. అంటున్నాడు శర్వానంద్‌. అయితే అసలు ఈ సినిమా చేయడానికి మరో ఫోన్‌ కాల్‌ కారణమని కూడా చెప్పుకొచ్చాడు. బ్రహ్మాజీగారు ఫోన్‌ చేసి ‘మంచి కథ ఉంది వింటావా’ అన్నారు. ఆయన ఆ రోజు నాకు ఫోన్‌ చేయకపోతే... ఇంతమంచి సినిమాని మిస్‌ అయ్యేవాణ్ని.. అన్నాడు. మొత్తానికి కుర్ర హీరోలతో సినిమాలు తీయాలంటే.. ఇలా సీనయర్‌ నటులతో ఫోన్ కాల్‌ చేయించి కథలు వినిపించాలనమాట.

ఇకపోతే రామ్‌ చరణ్‌ తో సహా అందరూ ఈ సినిమాలో శర్వా డ్యాన్సులు బాగున్నాయి అంటున్నారు. ఆ క్రెడిట్‌ అంతా డ్యాన్స్‌ మాస్టర్‌ రఘు ఘనతే అంటున్నాడు మర ఎక్స్‌ప్రెస్‌ రాజా. అది సంగతి.