బాలయ్య అంటే భయం లేదా?

సెంటిమెంట్ వర్కౌట్ అయితే అలాగే ఉంటుంది. ఎప్పుడూ అదే రిపీట్ చేయాలనిపిస్తుంది. ఎక్స్ ప్రెస్ రాజా శర్వానంద్ ఉన్నాడు చూడండి.. ఇప్పుడు సరిగ్గా అదే ఫాలో అయిపోతున్నాడేమో అనిపిస్తోంది.

ఏడాది సంక్రాంతికి బరిలో బాలకృష్ణ.. జూనియర్ ఎన్టీఆర్.. నాగార్జున లాంటి పెద్ద హీరోల సినిమాలన్నీ పందెం కోళ్లలా ఢీ కొట్టడానికి రెడీ అయినప్పుడు భయపడి వెనక్కిపోకుండా పోటీలో నేను కూడా ఉన్నానంటూ వచ్చాడు. ఎక్స్ ప్రెస్ రాజా తో హిట్ కొట్టి హల్ చల్ చేశాడు శర్వా. సంక్రాంతి సెంటిమెంట్ కలిసొచ్చే సరికి నెక్ట్స్ ఇయర్ కూడా ఇదే ఫార్ములా ఫాలో అయిపోవాలనుకుంటున్నాడేమో. దిల్ రాజు నిర్మాణంలో వేగేశ్న సతీష్ డైరెక్షన్ లో రాబోతున్న శతమానం భవతిని 2017 పొంగల్ కి రెడీ చేస్తున్నట్టు హింట్ ఇచ్చాడు. ఓ వైపు గౌతమీ పుత్ర శాతకర్ణిగా తన పవరేంటో చూపించాలని బాలయ్య కసరత్తులు చేస్తున్నాడు. గౌతమీ పుత్రుడు సంక్రాంతికి రావడం పక్కా. మిగిలిన బడా హీరోల సినిమాల రిలీజ్ పై క్లారిటీ రావాలి. అవి అనుకున్న టైంకి విడుదల కాకపోతే బాలక్రిష్ణ సోలోగా బాక్సాఫీస్ ను దున్నాలని ఆశ పడుతున్నాడు.

అయితే ఇప్పుడు సడన్ గా సీన్ లోకి వచ్చిన శర్వానంద్ సైలెంట్ గా సంక్రాంతి హీరో అనిపించుకోడానికి గ్రౌండ్ రెడీ చేసుకుంటున్నాడు. మరి శర్వాకి సెంటిమెంట్ కలిసోస్తుందో? లేకపోతే గౌతమీ పుత్రుడి ముందు తేలిపోతాడో తెలియాలంటే వెయిట్ చేయాల్సిందే రాజా.