ఒకే ఒక జీవితం అంత బాగుంటుందా శర్వా?

యువ హీరో శర్వానంద్‌ వరుసగా సినిమాలు చేసుకుంటూ వెళ్తున్నాడు. ఈమద్య కాలంలో ఆయన నటించిన సినిమాలు కరోనా వల్ల విడుదల వాయిదా పడుతూ వస్తున్నాయి. ప్రస్తుతం ఆయన నుండి వచ్చేందుకు పలు సినిమాలు వెయిట్‌ చేస్తున్నాయి. అందులో ఒకటి ఒకే ఒక జీవితం. ఈ సినిమాకు శ్రీకార్తీక్ దర్శకత్వం వహిస్తుండగా డ్రీమ్‌ వారియర్స్ బ్యానర్‌ లో ప్రకాష్‌ బాబు నిర్మిస్తున్నాడు. ఇటీవలే ఈ సినిమా టైటిల్ ను రివీల్‌ చేడయం జరిగింది. టైటిల్‌ రివీల్‌ చేయగానే సినిమా పై ప్రేక్షకుల్లో ముఖ్యంగా శర్వా అభిమానుల్లో ఆసక్తి వ్యక్తం అయ్యింది.

శర్వానంద్‌ కథల ఎంపిక విషయంలో చాలా జాగ్రత్తలు తీసుకుంటాడు అనడంలో సందేహం లేదు. మంచి కథ అయితే కొత్త వారితో చేసేందుకు ఎప్పుడు సిద్దంగా ఉండే శర్వానంద్‌ ఈ సినిమా పై చాలా నమ్మకంతో ఉన్నట్లుగా కనిపిస్తున్నాడు. దర్శకుడు కొత్త వ్యక్తి అయినా కూడా సినిమాను ఆయన తీస్తున్న తీరుపట్ల శర్వా పూర్తి సంతృప్తితో ఉన్నట్లుగా ఆయన రెస్పాన్స్ ను చూస్తుంటే అర్థం అవుతుంది.

తాజాగా ఈ ఫొటోను షేర్‌ చేసిన శర్వానంద్‌ ఈ సినిమా పై చాలా నమ్మకంగా ఉన్నట్లుగా ఎప్పుడెప్పుడు ఈ సినిమాకు మీకు చూపించాలా అంటూ ఎదురు చూస్తున్నాను అంటూ కామెంట్‌ పెట్టాడు. ఒక హీరో ఇలా కామెంట్‌ పెట్టాడు అంటే సినిమా పై ఆయనకు ఎంతగా నమ్మకం ఉందో అర్థం చేసుకోవచ్చు. కచ్చితంగా ఈ సినిమా తో శర్వానంద్‌ కమర్షియల్‌ గా సక్సెస్‌ ను దక్కించుకోవడం ఖాయం అంటూ యూనిట్‌ సభ్యులు కూడా నమ్మకంగా ఉన్నారు. ఈ సినిమా లో శర్వాకు జోడీగా రీతూ వర్మ నటించగా కీలక పాత్రలో వెన్నెల కిషోర్‌ నటిస్తున్నాడు. ఈ ఏడాదిలోనే పూర్తి చేసి విడుదల చేస్తారేమో చూడాలి.