శర్వా నిజంగా మహానుభావుడే

పండగ హీరో శర్వానంద్ మహానుభావుడు సినిమా ప్రస్తుతం టాలీవుడ్ బాక్స్ ఆఫీస్ ను షేక్ చేస్తోంది. ఏ మాత్రం తగ్గకుండా పోటీలో ఉన్న రెండు సినిమాల కంటే ఎక్కువ కలెక్షన్స్ తో దూసుకెళుతోంది. ఇప్పటికే అన్ని వర్గాల నుండి పూర్తి పాజిటివ్ టాక్ ను తెచ్చుకుంది. ఇక శర్వానంద్ తన తన కెరీర్ లో మరో హిట్ ను వేసేసుకున్నాడు. తనకంటూ ఓ మార్కెట్ ను కూడా శర్వానంద్ సెట్ చేసుకున్నాడు.

దీంతో నెక్స్ట్ సినిమాలు కూడా భారీ స్థాయిలో తెరకెక్కుతాయి అనడంలో ఎలాంటి సందేహం లేదు. అంతే కాకుండా భారీ స్థాయిలో రెమ్యునరేషన్స్ ను కూడా అందుకుంటాడనే టాక్ కూడా వినిపిస్తోంది. మొత్తానికి శర్వానంద్ ఓ స్థాయి స్టార్ హోదాను తెచ్చుకున్నట్లే.. మరి ఆ స్టార్ లుక్ మారుతుందో లేదో గాని ఒక్కటి మాత్రం అస్సలు మారదట. శర్వా ని చూస్తే ప్రతి విషయంలో రాయల్ గా ఉంటాడు అనుకుంటారు కానీ అతను వాడే ఫోన్ ని చూస్తే నిజంగా శర్వానంద్ ని మహానుభావుడు అనకుండా ఉండలేరు.

సాధారణంగా ఈ రోజుల్లో ప్రతి ఒక్కరు స్మార్ట్ ఫోన్ వాడుతున్నారు. సెలబ్రిటీలు అయితే ఐఫోన్లు శామ్ సంగ్ నోట్లు వాడేస్తున్నారు. కానీ శర్వా మాత్రం ఒక చిన్న కీ ప్యాడ్ ఉన్న నోకియా మొబైల్ ని వాడుతున్నాడట. ఈ విషయాన్ని సంగీత దర్శకుడు థమన్ ఒక ఫోటో సాక్షిగా తెలిపాడు. ఎటువంటి యాప్స్ లేకుండా సోషల్ మీడియా దూరంగా ఉన్న శర్వాని చూస్తే మహానుభావుడు అనాల్సిందే అని తన స్టైల్ లో చెప్పాడు.