న‌రేష్‌ కి శ‌ర్వానంద్ మాట సాయం

త‌న మాట‌ల‌తో అల్ల‌రి న‌రేష్ సెల్ఫీకి కొత్త రంగు తీసుకొస్తున్నాడట శ‌ర్వానంద్‌. ఇటీవ‌ల కాలంలో సినిమాల‌కి వాయిస్ ఓవ‌ర్ అనేది ఓ ట్రెండ్‌ గా మారిన విష‌యం తెలిసిందే. క‌థ‌ - క‌థ‌నాల్ని సినిమాకి సంబంధం లేని వ్య‌క్తుల వాయిస్‌ తో ముందుకు న‌డిపించ‌డ‌మే ఈ వాయిస్ ఓవ‌ర్ ప్ర‌త్యేక‌త‌. ఆ వాయిస్ ప్రేక్ష‌కుల‌కు ఓ ప్ర‌త్యేక‌మైన కిక్కునిస్తుంటుంది. తాజాగా అల్ల‌రి న‌రేష్ క‌థానాయ‌కుడిగా న‌టించిన సెల్ఫీరాజాకి శ‌ర్వానంద్ వాయిస్ ఓవ‌ర్ చెప్పాడు.

అల్ల‌రి న‌రేష్‌ కీ - శ‌ర్వానంద్‌ కీ మ‌ధ్య మంచి స్నేహం ఉంది. ఇద్ద‌రూ క‌లిసి రెండు సినిమాలు చేశారు. ఆ అనుబంధంతోనే శ‌ర్వాని అడ‌గ్గానే న‌రేష్ సినిమాకి మాట సాయం చేశాడు. కొంత‌కాలంగా స‌రైన సినిమాలు ప‌డ‌క ఇబ్బంది ప‌డుతున్నాడు న‌రేష్‌. అయితే శ‌ర్వా మాత్రం న‌రేష్ స్టైల్ కామెడీ జోన‌ర్‌ లోకి మారి వ‌రుస‌గా విజ‌యాలు అందుకొంటున్నాడు. మ‌రి సెల్ఫీరాజా అయినా న‌రేష్‌ని గ‌ట్టెక్కిస్తుందేమో చూడాలి. న‌రేష్ ఒక్క‌డు గాడిలో ప‌డితే నాని - శ‌ర్వా - నిఖిల్‌... ఇలా ఆ ఫ్రెండ్స్ గ్యాంగ్ మొత్తం ఫామ్‌ లోకి వ‌చ్చిన‌ట్ట‌వుతుంది.