ప్రేమమ్ హీరోతో తెలుగు మిస్సిండియా

రామన్ రాఘవ్ 2.0 చిత్రంతో తెరంగేట్రం చేసిన తెనాలి భామ శోభిత ధూళిపాళ. 2013లో మిస్ ఇండియా రన్నరప్ నిలిచిన ఈమె.. మోడలింగ్ చేయడమే కాదు.. కింగ్ ఫిషర్ కేలండర్ పై కూడా మెరిసింది. ప్రస్తుతం సినిమాలతో బిజీ అయ్యేందుకు ప్రయత్నిస్తున్న ఈమె.. ఓ మలయాళీ చిత్రానికి సైన్ చేసింది.

మలయాళ ప్రేమమ్ హీరో నివిన్ పౌలీ ప్రధాన పాత్రలో నిటస్తున్న 'మూథాన్' లో కీలక పాత్ర చేసేందుకు శోభిత అంగీకరించింది. హిందీ- మలయాళ భాషల్లో తెరకెక్కనున్న ఈ చిత్రంలో టిట్లీ ఫేమ్ శశాంక్ అరోరా.. గ్యాంగ్స్ ఆఫ్ వస్సేపూర్ ఫేం హరీష్ ఖన్నా కూడా ఈ ప్రాజెక్టులో నటిస్తున్నారు. అయితే.. ఇది రొటీన్ స్టోరీ కాదంటున్నాడు దర్శకుడు గీతు మోహన్ దాస్. ముల్లా ఒక చిన్న కుర్రాడు తన సోదరుడు అక్బర్ ను వెతుక్కుంటూ వెళ్లేటపుడు.. మధ్యలో తగిలేవే మిగిలిన కేరక్టర్స్ అన్నీ.. అంతే తప్ప ఆయా యాక్టర్ల కోసం ప్రత్యేకంగా ఏదీ డిజైన్ చేయలేదు అని చెప్పాడు దర్శకుడు

కామాటిపురా ఏరియాలో ఉండే కుర్రాడిదే ఈ కథ కాగా.. ఈ ముల్లా కేరక్టర్ చేసేందుకు సూపర్బ్ కుర్రాడు దొరికాడని చెబుతున్నాడు డైరెక్టర్. అయితే.. ఎవరనే విషయం మాత్రం సస్పెన్స్ అని చెప్పడం విశేషం. ఆంధ్రా అమ్మాయి శోభిత ధూళిపాళ.. ఇప్పటికే నార్త్ లో మంచి క్రేజ్ సంపాదించుకోగా.. ఇప్పుడు మలయాళ సినిమాలో పెర్ఫామెన్స్ ఓరియెంటెడ్ రోల్ లభించడంపై ఫుల్ హ్యాపీగా ఉన్నానని అంటోంది.

Like Us on Facebook : https://www.facebook.com/Tupakidotcom/