ఆయన ఆఖరి గ్రూప్ ఫోటో ఇదే

దాదాసాహెబ్ ఫాల్కే అవార్డ్ గ్రహీత అయిన శశి కపూర్.. నిన్న మరణించిన సంగతి తెలిసిందే. 79 ఏళ్ల ఈయన.. చెస్ట్ ఇన్ ఫెక్షన్ కారణంగా కొన్నేళ్లుగా ఇబ్బంది పడుతున్నారు. ముంబైలోని కోకిలా బెన్ హాస్పిటల్ లో తుది శ్వాస విడిచారు శశి కపూర్. కొన్ని నెలల క్రితం బైపాస్ సర్జరీ కూడా చేయించుకున్నా.. ఫలితం లేకపోయింది. వయసు రీత్యా తట్టుకోవడం కష్టమైందని చెబుతున్నారు.

ఈయన తన కుటుంబం మొత్తంతో కలిసి దిగిన ఫోటో ఒకటి ఇప్పుడు ఇంటర్నెట్ లో చక్కర్లు కొడుతోంది. ప్రతీ ఏటా కపూర్ అండ్ ఫ్యామిలీ మొత్తం గ్యాదర్ అవుతారు. కపూర్ ఫ్యామిలీకి చెందిన అందరూ ఈ కార్యక్రమానికి హాజరు అవుతారు. క్రిస్మస్ తర్వాత.. న్యూ ఇయర్ లోపు ఈ బాష్ జరుగుతూ ఉంటుంది. గతేడాది జరిగిన ఈ బాష్ కు సంబంధించిన ఫోటోనే ఇది. మొత్తం కుటుంబ సభ్యులు అందరితో కలిసి.. శశి కపూర్ దిగిన ఆఖరి ఫోటో ఇది. ఇందులో ఆయన సోదరులు.. కుమారులు.. మనవలు.. మనవరాళ్లు అందరినీ చూడచ్చు. రిషి కపూర్.. కరిష్మా కపూర్.. రణబీర్ కపూర్ సహా ఆన్ స్క్రీన్ తారలు.. ఆఫ్ స్క్రీన్ లో ఉండిపోయిన వారు కూడా ఈ చిత్రంలో కనిపిస్తారు.

శశి కపూర్ భార్య జెన్నిఫర్ కెండాల్ 1984లోనే కాలం చేశారు. ఆయనకు ముగ్గురు పిల్లలు కాగా.. 2011లో పద్మభూషణ్.. 2015లో దాదాసాహెబ్ ఫాల్కే అవార్డ్ అందుకున్నారు.