అక్షయ్ గొప్ప మనసు.. శత్రుఘ్న నీకేం నొప్పయ్యా?

బాలీవుడ్ అగ్రహీరో అక్షయ్ కుమార్ దేశంలోనే ఏ హీరో చేయనంత గొప్ప విరాళాలు ఇస్తూ దేశం యావత్తు ఆయనకు సెల్యూట్ చేసేలా చేస్తున్నాడు. కరోనా వ్యాప్తిలో నేను సైతం అంటూ ఏ హీరో చేయనంత విరాళాన్ని చేస్తున్నాడు.

ఇప్పటికే కరోనాపై ఫైట్ కోసం ప్రధాని మోడీ ఏర్పాటు చేసిన ‘పీఎం కేర్’కు ఏకంగా అక్షయ్ కుమార్ 25 కోట్ల విరాళం ప్రకటించి అందరినీ ఆశ్చర్యపరిచాడు. తాజాగా మరోసారి తన గొప్ప మనసును చాటుకున్నాడు.

కరోనాపై పోరాడుతున్న ముంబై మున్సిపల్ కార్పొరేషన్ కు రూ.3 కోట్ల భారీ విరాళాన్ని ప్రకటించారు. మున్సిపల్ కార్మికు ఆరోగ్యం కోసం పీపీఈ కిట్స్ కోసం ఈ డబ్బును అందజేశాడు. ఈ విషయాన్ని భారత సినీ విశ్లేషకుడు తరుణ్ ఆదర్ష్ ట్విట్టర్ ద్వారా తెలియజేశాడు.

అక్షయ్ సమాజసేవ కోసం ఇంతగా విరాళాలు ఇస్తుంటే ఘనత వహించిన మన బాలీవుడ్ స్టార్లు మాత్రం సైలెంట్ గా ఉండిపోవడం విమర్శలకు తావిస్తోంది. ఇప్పటికే అక్షయ్ బాటలో ప్రభాస్ లాంటి చాలా మంది హీరోలు ముందుకొచ్చి కోట్లను విరాళంగా ప్రకటించారు. సల్మాన్ సినీ కార్మికుల అకౌంట్లలోకి నేరుగా డబ్బులు జమ చేస్తున్నాడు. షారుఖ్ కూడా సాయం చేస్తున్నాడు.

కాగా తాజాగా బాలీవుడ్ సీనియర్ హీరో - మాజీ మంత్రి శత్రుఘ్న సిన్హా మాత్రం అక్షయ్ కుమార్ 25కోట్ల విరాళం ఇవ్వడం తనకు షాక్ గురిచేసిందని.. ఇది ఎంతమాత్రం మంచిది కాదని సంచలన వ్యాఖ్యలు చేశారు.ఇది ఇండస్ట్రీలోని మిగతావాళ్లను కించపరచడమేనన్నారు. సేవ కార్యక్రమాలు పైకి చెప్పకుండా చేయాలని.. షో ఆఫ్ చేయకూడదని హితవు పలికారు.

శత్రుఘ్న సిన్హా మాటలపై నెటిజన్లు - బాలీవుడ్ జనాలు మండిపడుతున్నారు. కరోనా వేళ సాయం చేయడం మాని.. చేసే వారిని విమర్శిస్తావా అని కడిగిపారేస్తున్నారు. సీనియర్ హీరో - ఎంపీగా చేసి ఇదే పాడు విమర్శలు అంటూ మండిపడుతున్నారు. శత్రుఘ్న సిన్హా తీరును అందరూ ఎండగడుతున్నారు