'సలార్' లో ఆమె సెకండ్‌ హీరోయిన్‌ కాదట!

ప్రభాస్‌ హీరోగా కేజీఎఫ్‌ దర్శకుడు ప్రశాంత్ నీల్‌ దర్శకత్వంలో రూపొందుతున్న సినిమా సలార్‌. ఈ సినిమాలో ప్రభాస్ కు జోడీగా శృతి హాసన్‌ నటిస్తున్న విషయాన్ని ఇప్పటికే అధికారికంగా ప్రకటించారు. ఇక ఈ సినిమాలో మరో హీరోయిన్‌ గా బాలీవుడ్‌ హాట్‌ బ్యూటీ వాణి కపూర్‌ నటిస్తున్నట్లుగా వార్తలు వచ్చాయి. చిత్ర యూనిట్‌ సభ్యులు కూడా ఆ విషయాన్ని అనధికారికంగా దృవీకరించారు. కాని సలార్‌ సినిమా వాణి కపూర్‌ హీరోయిన్‌ గా నటిచడం లేదట. తాజాగా ఇండస్ట్రీ వర్గాల ద్వారా అందుతున్న సమాచారం ప్రకారం వాణి కపూర్‌ ఈ సినిమాలో ప్రభాస్‌ కు జోడీగా కాని.. ఆయన తో ఐటెం సాంగ్‌ కాని ఇతర పాత్రలో కాని కనిపించబోవడం లేదట. అసలు ఈ సినిమాలో ప్రభాస్‌ మరియు వాణి కపూర్‌ ల కాంబోలో రొమాంటిక్‌ సన్నివేశాలు వంటివి ఉండవట.

వాణి కపూర్‌ ను ఈ సినిమాలో దర్శకుడు ప్రశాంత్ నీల్ ప్రముఖ పాత్రలో చూపించబోతున్నాడట. సినిమాలో మెయిన్‌ విలన్‌ కు భార్యగా వాణి కపూర్‌ కనిపించబోతున్నట్లుగా వార్తలు వస్తున్నాయి. విశ్వసనీయ సమాచారం ప్రకారం సలార్‌ లో వాణి కపూర్‌ పోషించబోతున్న పాత్ర కథకు అత్యంత కీలకంగా చెబుతున్నారు. విలన్ భార్య లకు కమర్షియల్‌ సినిమాల కథలో పెద్దగా ప్రాముఖ్యత ఉండదు. కాని ఈ సినిమా లో మాత్రం విలన్ భార్య అయిన వాణి కపూర్‌ మెజార్టీ స్క్రీన్‌ స్పేస్‌ ను దక్కించుకుంటుందట.

కథ లో టర్న్‌ ఈమె వల్లే అంటూ ఉన్నారు. సినిమా ను హిందీ మరియు తెలుగు లో రూపొందిస్తున్నారు కనుక వాణి కపూర్‌ ను ఈ సినిమా కోసం తీసుకున్నట్లుగా చెబుతున్నారు. వాణి కపూర్‌ ఇప్పటికే తెలుగు మరియు తమిళంలో కూడా గుర్తింపు ఉంది. తెలుగులో ఈమె నానితో కలిసి ఒక సినిమాలో నటించింది. ఆ సినిమా నిరాశ పర్చడంతో తెలుగులో ఈమెకు ఎక్కువ ఆఫర్లు రాలేదు. సలార్‌ లో ఈమె పోషించబోతున్న పాత్ర తో సినిమా రేంజ్‌ ను పెంచడంతో పాటు బాలీవుడ్‌ లో కూడా అందరి దృష్టిని ఆకర్షించేలా ఉంటుందని అంటున్నారు. సలార్‌ లో వాణి కపూర్ కాకున్నా కూడా కథలో ఆమెకు అంతకు మించిన ప్రాముఖ్యత అయితే దక్కుతుందని.. నటనకు ఆస్కారం ఉన్న పాత్ర అంటూ కామెంట్స్‌ వినిపిస్తున్నాయి.