'బిగ్‌ బాస్‌'ను ఇంప్రెస్ చేయడానికి అన్ని రకాల ప్రయత్నాలు చేస్తున్న ఆంటీ...?

తెలుగులో బుల్లితెరపై అత్యంత విజయవంతమైన రియాలిటీ గేమ్ షో లలో 'బిగ్‌ బాస్‌' కూడా ఒకటి. తెలుగులో ఇప్పటి వరకు మూడు సీజన్స్ రాగా ఇప్పుడు నాలుగో సీజన్ కోసం అప్పుడే ఏర్పాట్లు మొదలయ్యాయి. కాగా తెలుగు 'బిగ్ బాస్' సీజన్ 1కు జూనియర్ ఎన్టీఆర్ వ్యాఖ్యాతగా వ్యవహరించగా.. సీజన్ 2కు నేచులర్ స్టార్ నాని, సీజన్ 3కి టాలీవుడ్ కింగ్ అక్కినేని నాగార్జున హోస్టుగా వ్యవహరించారు. ఇక 'బిగ్ బాస్' 4వ సీజన్ కి కూడా నాగార్జునే హోస్ట్ గా వ్యవహరించే అవకాశం ఉందని సమాచారం. తెలుగులో మూడు సీజన్స్ సక్సెస్ అవడంతో బిగ్‌ బాస్ తెలుగు రియాలిటీ షోకు అటు ప్రేక్షకుల్లో ఇటు సెలబ్రిటీస్ లో క్రేజ్ ఏర్పడింది. దీంతో త్వరలో మొదలయ్యే ఈ షోలో కంటెస్టెంట్స్‌ గా ఈసారి మరింత స్టార్ క్యాస్ట్ యాడ్ చేయాలని చూస్తున్నారట నిర్వాహకులు. ఈ షోలో పాల్గొన్న నటీనటులు, స్మాల్ స్క్రీన్ సెలబ్రిటీలకు బ్రహ్మండమైన పాపులారిటీ లభించిన సంగతి తెలిసిందే. ఆ విషయాలను దృష్టిలో పెట్టుకొన్న కొందరు సెలబ్రిటీలు బిగ్‌ బాస్ షోలో పాల్గొనేందుకు తమ ప్రయత్నాలను ముమ్మరం చేస్తున్నట్లు సమాచారం.

ఈ నేపథ్యంలో ఒక సీనియర్ నటి 'బిగ్ బాస్' హౌస్ లో ఎంటర్ అవ్వాలని విశ్వ ప్రయత్నాలు చేస్తోందట. సోషల్ మీడియాలో ఈ మధ్యకాలంలో రకరకాల వీడియోలు పోస్ట్ చేస్తూ రచ్చ చేస్తున్న ఈ ఆంటీ నిర్వహకులపై ఒత్తిడి తెచ్చేందుకు ప్రయత్నాలు చేస్తోందట. సిల్వర్ స్క్రీన్ పై తల్లిగా వదినగా, ఆంటీగా మెప్పించిన ఈ క్యారెక్టర్ ఆర్టిస్టు బిగ్‌ బాస్‌ లో కూడా పార్టిసిపేట్ చేసి ప్రూవ్ చేసుకోవాలని ఆరాటపడుతోందట. అంతేకాకుండా తన టాలెంట్‌ ను బయటపెడుతూ చేసిన వీడియోలు సాక్ష్యంగా చూపిస్తూ .. తనకు సోషల్ మీడియాలో ఫాలోయింగ్‌ ను, తన వీడియోలకు వస్తున్న స్పందనను కూడా వారి దృష్టికి తీసుకెళ్ళిందట. ఇలా బిగ్‌ బాస్‌ ను ఇంప్రెస్ చేయడానికి ఆంటీ అన్ని రకాల ప్రయత్నాలు చేస్తోందట.

ఇదిలా ఉండగా బిగ్ బాస్ సీజన్ లో శివబాలాజీ విన్నర్ గా నిలిచారు. సీజన్ 2 మరియు సీజన్ 3లలో కౌశల్ మండా మరియు రాహుల్ సిప్లిగంజ్ టైటిల్ గెలుపొందాడు. కాగా 'బిగ్ బాస్' సీజన్ - 4 జూలై చివరి వారంలో ప్రారంభించేందుకు నిర్వాహకులు ప్లాన్ చేస్తున్నారట. త్వరలోనే దీనిపై మేకర్స్ అధికారిక ప్రకటన చేయనున్నట్లు సమాచారం. ఇప్పటికే అన్ని పనులు పూర్తవ్వాల్సి ఉండగా కరోనా వచ్చి అంతరాయం కలిగించింది. ఫస్ట్ సీజన్ కి పూణే లో బిగ్ బాస్ హౌస్ సెట్ వేసిన నిర్వాహకులు తర్వాతి రెండు సీజన్స్ కి అన్నపూర్ణ స్టూడియోలో సెట్ వేశారు. మరి నాలుగో సీజన్ కి ఎక్కడ ఏర్పాట్లు చేయబోతున్నారో తెలియాల్సి ఉంది. 'బిగ్ బాస్' సీజన్ - 4లో కంటెస్టెంట్స్‌ వీళ్ళే అంటూ తాగుబోతు రమేష్, సుడిగాలి సుధీర్, హైపర్ ఆది, మంగ్లీ, తరుణ్, నందు, యాంకర్ ఝూన్సీ, సింగర్ సునీత, హీరోయిన్ శ్రద్దా దాస్, యాంకర్ వర్షిణి, మంజూష, వైవా హర్ష పేర్లు సోషల్ మీడియాలో ప్రముఖంగా వినిపిస్తున్నాయి.