అక్కడ పెద్ద ఆఫర్లు వచ్చినా ఇక్కడే ఆమెకు ఇష్టం

టాలీవుడ్‌.. కోలీవుడ్‌.. బాలీవుడ్‌ ఇలా అన్ని వుడ్స్ లోనూ సినిమాలు చేస్తూ అన్ని చోట్ల కూడా మంచి గుర్తింపు దక్కించుకున్న ముద్దుగుమ్మ పూజా హెగ్డే. ఈ అమ్మడు తెలుగు లో మొదటగా స్టార్‌ డమ్ దక్కించుకుంది. తెలుగు లో దాదాపు అందరు స్టార్ హీరోలతో సినిమాల్లో నటించింది. త్వరలో మహేష్ బాబుతో కూడా కలిసి నటించబోతున్న విషయం తెల్సిందే. హీరోయిన్‌ గా నేను ఎంతో బిజీగా ఉన్నాను.. స్టార్స్ సూపర్ స్టార్స్ తో నటించే అవకాశాలు వస్తున్నాయి ఇంతకంటే ఏం కావాలి అంటూ ఆమె ఆనందంగా ఉంది.

బాలీవుడ్‌ లో ఈ అమ్మడు త్వరలో సల్మాన్‌ ఖాన్‌ నటించబోతున్న సినిమాలో కనిపించబోతుంది. ఇంకా మరో రెండు సినిమాలు కూడా చర్చల దశలో ఉన్నాయి. స్టార్ హీరోల నుండి పూజా హెగ్డే నుండి ఆఫర్లు వస్తున్నాయి. కాని ఏ ఒక్క సినిమా కూడా ఒక మోస్తరు విజయాన్ని కూడా ఆమెకు ఇవ్వలేక పోతున్నాయి. దాంతో ఈ అమ్మడికి బాలీవుడ్‌ పై మోజు తగ్గినట్లుగా ఉంది. ఇదే సమయంలో టాలీవుడ్‌ వారిని కాకా పట్టే విధంగా కామెంట్స్ చేస్తోంది.

హిందీలో నాకు వరుసగా పెద్ద స్టార్ హీరోలతో నటించే అవకాశాలు దక్కించుకున్నాను. కాని హిందీ సినిమాల్లో హీరోయిన్‌ పాత్ర విషయం లో నిరాశ ఉంటుంది. నాకు కూడా అదే తప్పలేదు.

హిందీలో ఎన్ని చేసినా కూడా రావాల్సిన గుర్తింపు రావడం లేదు అంది. అందుకే అక్కడ నుండి మెల్లగా సైడ్ అవ్వాలని భావిస్తున్నట్లుగా తెలుస్తోంది. తెలుగు లో మరింత బిజీ అవ్వాలని ఈ అమ్మడు కోరుకుంటున్నట్లుగా అనిపిస్తుంది.

అక్కడ పెద్ద సినిమాల్లో పెద్ద హీరోలతో ఆఫర్లు వచ్చినా కూడా తన మొదటి ప్రాముఖ్యత ఖచ్చితంగా తెలుగు సినిమాలకు మరియు తెలుగు హీరోలకు అంటూ చెప్పుకొచ్చింది. తనకు తెలుగు సినిమా పరిశ్రమలో అవకాశాలతోనే స్టార్‌ డమ్‌ వచ్చిందని క్లారిటీ ఇచ్చింది. కనుక తెలుగు లోనే సుదీర్ఘ కాలం పాటు కొనసాగే యోచనలో ఉన్నట్లుగా ఆమె పేర్కొంది.

బాలీవుడ్‌ లో ఉన్న స్టార్ కిడ్స్ కొత్త వారికి అవకాశాలు లేకుండా.. రాకుండా చేస్తున్నారు. ఆ కారణంగానే పూజా హెగ్డే కు ఒక రేంజ్ సినిమాల వరకే అవకాశాలు వస్తున్నాయి. నటనకు ఆస్కారం ఉన్న పాత్రలు.. సినిమాలో కీలక పాత్రలు పూజా హెగ్డే వంటి వారికి అక్కడి వారు ఇవ్వడం లేదు. అందుకే బాలీవుడ్‌ లో సినిమా ల కంటే తెలుగు సినిమాలు ఉత్తమం అన్నట్లుగా పూజా హెగ్డే అభిప్రాయం వ్యక్తం చేస్తుంది.