ఫ్యాన్స్ కి ధన్యవాదాలు తెలిపిన బాలీవుడ్ నటి

ఫేస్ బుక్ అకౌంట్ హాక్ అవ్వడం సామాన్యులలో మాత్రమే కాదు సెలబ్రిటీల అకౌంట్లు కూడా హాక్ అవుతుంటాయి. తాజాగా బాలీవుడ్ నటి షెఫాలీ షా ఫేస్‌ బుక్ అకౌంట్ హ్యాక్ అయ్యిందట. దీంతో ఆ హ్యాకర్ షెఫాలీ కుటుంబానికి కరోనా వైరస్ వచ్చిందని పోస్ట్ చేశాడట. తర్వాత ఆ పోస్ట్ చూసిన పెఫాలి ఖంగుతిని జరిగిన విషయాన్ని అభిమానులతో పంచుకున్నారు. నాతో పాటు కుటుంబసభ్యులంతా బాగున్నారని తెలిపింది. తమ ఫ్యామిలీకి వైరస్ సోకిందనే వార్తలు పుకార్లు మాత్రమే అని ఎవరు ఆ వార్తలు నమ్మకూడదని స్పష్టం చేసింది. ఇంట్లో ఫ్యామిలీతో తాను క్షేమంగా ఉన్నానని వెల్లడించారు. తన ఫేస్ బుక్ ఖాతాలో వైరస్ సోకిందని ఎవరు రాశారో ఆ భగవంతుడికే తెలుసు అని పేర్కొన్నారు.

తమ కుటుంబానికి వైరస్ సోకలేదని కానీ అది ఫేక్ వార్త తెలిసిన స్పందించిన అభిమానులకు ఆమె ధన్యవాదాలు తెలిపారు. తమ కుటుంబంలో కరోనా వైరస్ సోకిందనే పోస్ట్‌ తో చాలామంది తనపై ప్రేమను - అభిమానాన్ని పంచారని షెఫాలి షా గుర్తుచేశారు. తనకు కష్టం వచ్చిందని తెలిసి.. ఏ సాయం కావాలో అడిగారని ఎమోషనల్ అయ్యారు. మరికొందరు తమ మొబైల్ నంబర్లు పంపి అడిగారట. వీరిలో చాలామంది తనకు పరిచయం లేదని వివరించారు. కానీ వారు తనపై చూపిన అభిమానాన్ని మాత్రం మరవలేనని చెప్పారు. తాను, కుటుంబం బాగుండాలని కోరుకున్న వారందరికీ హృదయపూర్వకంగా ధన్యవాదాలు తెలిపారు. ఈ వార్త పుకారు మాత్రమే అని విన్న షెఫాలీ ఫ్యాన్స్ ఊపిరి పీల్చుకున్నారు.