మ‌చ్చ‌లేని చంద‌మామ‌ల వెన‌క అస‌లు జిమ్మిక్ అదీ!

మ‌చ్చ‌లేని చంద‌మామ‌లా త‌ళ‌త‌ళా మెరిసిపోవాల‌ని క‌ల‌లు క‌న‌నిది ఎవ‌రు? అయితే స‌హ‌జంగా శ‌రీరంపై పుట్టుక‌తో ఉన్న మ‌చ్చ‌ల్ని మాప‌డం ఎలా? అదేమీ అంత సులువుగా సాధ్య‌మ‌య్యేది కాదు. కానీ ఇప్పుడున్న సాంకేతిక‌త‌తో ప్ర‌తిదీ ఈజీ అయిపోయింది. ఫోటోషూట్ లో చూసిన‌దంతా అంద‌మేనా? అంటే ఏమో.. ఎవ‌రికి తెలుసు? ముఖంపై చేతుల‌పై లేదా భుజాల‌పై ఇంకెక్క‌డైనా మ‌చ్చ‌లు ఉన్నా మేక‌ప్ తో దానిని దాచేస్తున్నారు. ఫోటోషాప్ చేసి చాలా వ‌ర‌కూ స‌రి చేసేస్తున్నారు. ఆ త‌ర్వాత ఆ ఫోటోషూట్లు అంత‌ర్జాలంలో వైర‌ల్ అవుతున్నాయి. నిజానికి త‌మ ఒరిజిన‌ల్ రూపం ఇదీ అంటూ ఇంత‌కుముందు కాజ‌ల్ - తాప్సీ- ఇలియానా -న‌య‌న‌తార వంటి భామ‌లు ప్ర‌తిదీ ఓపెన‌య్యారు. మేక‌ప్ వేసిన‌ప్ప‌టి రూపంతో పోల్చి చూస్తే చాలా వైరుధ్యం ఉంది.

తాజాగా టీవీ న‌టి షెహ్నాజ్ గిల్ ఫోటోషూట్ బ్లండ‌ర్ అంటూ నెటిజ‌నులు కామెంట్లు చేస్తున్నారు. అవాస్తవమైన సౌందర్య ప్రమాణాలకు అనుగుణంగా ఆహా ఓహో అనిపించేలా ఖ‌రీదైన ఫోటోషాప్ టూల్స్ సహాయంతో మచ్చలు లేని రంధ్రాలు లేని చర్మం.. చిన్న నడుము ఇరుకైన ముక్కును క్రియేట్ చేశారంటూ ఒక‌టే ర‌చ్చ సాగుతోంది. ఇలాంటి స‌వ‌రించిన ఫోటోలను పోస్ట్ చేయడం ఈ రోజుల్లో సర్వసాధారణం. ఫోటోషాప్ రెండు దశాబ్దాలకు పైగా అందం ప్రమాణాలను నాశనం చేస్తున్న విషయం తెలిసిందే. ఇమేజ్ ఎడిటింగ్ టూల్ ఒక వ్యక్తిని మరింత ఆకర్షణీయంగా కనిపించేలా చేయడానికి `ఖచ్చితమైన ఇమేజ్ లేబుల్ని` తీర్చడానికి ఉపయోగించబడుతుంది.

తాజాగా ఫోటోషాప్ అనంత‌రం ఫోటోషాప్ తో బిగ్ బాస్ ఫేమ్ షెహ్నాజ్ గిల్ ట్రోల్స్ ఎదుర్కొంటోంది. గాయ‌ని కం న‌టి షెహ‌నాజ్ అందంగా అలంకరించబడిన లేత గోధుమరంగు దుస్తులలో ఉన్న ఫోటోల సమూహాన్ని పంచుకున్నారు. ఆమె ఫోటోలను స్క్రోల్ చేస్తున్నప్పుడు ఛాతిపై పాపుల‌ర్ పుట్టుమచ్చ అకస్మాత్తుగా మాయ‌మైందనేది ఎవరూ గమనించలేరు. షెహ‌నాజ్ ఒర‌జిన‌ల్ గానే చాలా అందంగా కనిపిస్తారు. అయితే జన్మ గుర్తును దాచడం ఏమిటి? బిగ్ బాస్ స్టన్నర్ షెహ‌నాజ్ చాలా దాచేశారు. తాను పోస్ట్ చేసిన ఫోటోలలో ఫోటోషాప్ విఫలం కావడం స్పష్టంగా క‌నిపించింది. షెహ్నాజ్ ఛాతీపై ఒక‌ విలక్షణమైన పుట్టుమచ్చ ఉండాలి. ఈ ఫోటోషూట్ కి ముందు తాను తన పుట్టుక‌తో వ‌చ్చిన గుర్తు (మ‌చ్చ‌)ను ప్రదర్శిస్తున్న ఫోటోలను నిర్భయంగా పోస్ట్ చేసారు. అప్పుడు లేనిది ఇప్పుడిలా ఎందుకని మారారు?

సెలబ్రిటీలు తరచుగా స్వీయ ప్రేమ.. శరీర సానుకూలతను సమర్థిస్తారు. హాస్యాస్పదంగా ప్రముఖులకు ఫోటోషాప్ కొత్త కాదు. ఏదైనా మ్యాగజైన్ కవర్ ఫోటో చూశాక‌.. లోపాల‌ను మీరే ఎత్తి చూపగలరు. షెహ్నాజ్ మాత్రమే కాదు.. భూమి పెడ్నేకర్ కూడా డిజిటల్ గా మారిన వెర్షన్ ని పోస్ట్ చేసినందుకు ఇటీవలి కాలంలో ట్రోలింగ్ ని ఎదుర్కొన్నారు. పశ్చిమంలో కిమ్ కర్దాషియాన్- బియోన్స్ నోలెస్- మిరాండా కెర్ సహా చాలామంది ప్రముఖ తార‌లు తమ ఫోటోలను భారీగా సవరించాక రిలీజ్ చేస్తారు. కొన్నిసార్లు నమ్మశక్యం కానంత‌ భిన్నంగా ఉన్నారని ఆరోప‌ణ‌లు ఎదుర్కొన్నారు.

సోషల్ మీడియాలో విపరీతమైన ఫ్యాన్ ఫాలోయింగ్ ను ఆస్వాధిస్తున్న షెహ్నాజ్ ఆమె అభిమానులలో అందంగా సహజ సుంద‌రిగా.. అమాయకమైన అంద‌గ‌త్తెగా పాపుల‌ర‌య్యారు. ఆమెలో తిరుగులేని ఆక‌ర్ష‌ణ శక్తి ఉంది. దాన్ని తిరిగి పొందలేరు లేదా తీసివేయలేరు. ప్రతిరోజూ పెరుగుతున్న ఆమె భారీ ఫ్యాన్ ఫాలోయింగ్ వెనుక బహుశా అదే కారణం కావచ్చు. షెహ‌నాజ్ తన బరువు తగ్గించే ప్రయాణంలో ఉన్నారు. బరువు తగ్గాలనుకుంటున్నట్లు తాను వెల్లడించారు. ఎందుకంటే ఒక నిర్దిష్ట శరీర ఆకారం పరిమాణంతో ఉన్న మహిళలకు మాత్రమే పరిశ్రమలో పని దొరుకుతుంది. అభిమానుల కోసం ఒక యూట్యూబ్ సెషన్ లో షెహ‌నాజ్ ఏమ‌న్నారంటే...``ఆ లుక్ కూడా నాకు ఇష్టమైనది. కానీ బాత్ యే హై కి కామ్ నహీ మిల్టా ఇండస్ట్రీ మే. య‌హ‌న్ పే ప‌త్ లీ ల‌డ‌కియాన్ చ‌ల్తీ హై (వారు మీకు పరిశ్రమలో ఎలాంటి పని ఇవ్వరు. సన్నని మహిళలకు మాత్రమే ఇక్కడ డిమాండ్ ఉంది)`` అని వెల్ల‌డించారు.

షార్ట్ క‌ట్ లో ప్రయాణించే దారిని తీసుకోకూడదా? వందలాది మందిని ఒకేసారి ప్రభావితం చేసే శక్తి ఉన్నందున ఇప్పుడు షెహ‌నాజ్ నిర్ణయాల వెనుక కొంత ఆలోచించాల్సిన సమయం ఇది. శరీర అనుకూలత .. అందం ప్రమాణాల గురించి చర్చ అవ‌స‌రం. ఇక‌పోతే షెహ‌నాజ్ మాత్ర‌మే ఇలా చేయ‌రు. క‌థానాయిక‌లు త్వ‌ర‌గా పాపుల‌ర్ కావ‌డానికి కొన్నిసార్లు ఇలాంటి దారుల్ని అనుస‌రిస్తున్నార‌న్న‌ది చాలా మందికి తెలియ‌ని నిజం.