దానికి కోడ్ వర్డ్ ఇదేనంటున్న షెర్లీన్ చోప్రా

"ఎంత నేర్చినా ఎంత చూచినా ఎంతవారలైనా కాంత దాసులే" అంటూ ఎప్పుడో కొన్ని వందల ఏళ్ళ క్రితమే వాగ్గేయకారుడు త్యాగరాజు తన కీర్తన ద్వారా చెప్పారు. అప్పట్లో ఫుల్ మేల్ డామినేషన్ ఉన్న సమాజంలోనే పరిస్థితి అలా ఉంటే ఈ జనరేషన్ పరిస్థితి మరింతగా దిగజారి ఉంటుందనడంలో అనుమానం ఏముంది? ఇప్పుడు కూడా కాంత దాసులే. దాంతోపాటుగా కొంతమంది మగానుభావులు మహిళలను వస్తువులుగా చూడడం కూడా ఎక్కువైంది. అదే క్యాస్టింగ్ కోచ్ కు మూలం. దాదాపు రంగాల్లో ఉన్నట్టే సినిమా రంగంలో కూడా ఈ గోల ఉంది.. కాకపోతే కాస్త ఎక్కువగా ఉంది. ఈ టాపిక్ గురించి ఎన్నో చర్చలు జరుగుతూనే ఉన్నాయి. తాజాగా బాలీవుడ్ భామ షెర్లీన్ చోప్రా ఈ టాపిక్ పై సెన్సేషనల్ కామెంట్స్ చేసింది.

రీసెంట్ గా ఒక ప్రమోషనల్ ఇంటర్వ్యూలో మాట్లాడుతూ బాలీవుడ్ లో అవకాశం ఇచ్చేందుకు కొందరు 'అది' అడుగుతారని.. దానికి ఒక కోడ్ వర్డ్ ఉందని.. ఆ కోడ్ వర్డ్ 'డిన్నర్' అని చెప్పింది. ఎవరైనా కొత్త నటీమణులు అవకాశాలకోసం తిరిగే సమయంలో 'డిన్నర్ కు వస్తారా' అని అడిగితే 'రాత్రి గడపడానికి వస్తారా' అని అడిగినట్టేనని చెప్పింది. కానీ తన మొద్దుబుర్రకు ఈ విషయం అర్థం కావడానికే రెండేళ్ళు పట్టిందట. తనకు తెలిసిన డిన్నర్ వేరని.. వారు అడిగే డిన్నర్ వేరని అర్థం చేసుకున్న తర్వాత అవాక్కయిందట. ఈమధ్యే 'టున్ను టున్నూ కర్తా హై' అనే పాట విడుదల సందర్భంగా ఈ కామెంట్లు చేసింది ఈ అమ్మడు.

బాలీవుడ్ లో అయితే డిన్నర్. మరి టాలీవుడ్ లో..? గతంలో శ్రీ రెడ్డి ఈ విషయం గురించి ఎంతో చక్కగా వివరించింది కదా.. మీరు అప్పుడే మర్చిపోతే ఎలా అబ్బాయిలు.. 'కమిట్మెంట్'. పాపం ఇంగ్లీష్ మాతృభాషగా కలిగిన ఇంగ్లాండ్ వాళ్ళు అమెరికా వాళ్ళు ఈ కొత్త అర్థాలు కనుక తెలిస్తే నోరెళ్ళబెట్టడం ఖాయం.