చూడ‌కూడనిది చూపించి రేటింగ్ అడిగాడన్న షెర్లిన్!

మీటూ ఉద్య‌మంలో ఎంద‌రో దిగ్గ‌జ ద‌ర్శ‌కులు లైంగిక వేధింపుల ఆరోప‌ణ‌లు ఎదుర్కొన్నారు. ఇందులో బాలీవుడ్ పాపుల‌ర్ ద‌ర్శ‌క‌నిర్మాత సాజిద్ ఖాన్ పేరు ప్ర‌ముఖంగా వినిపించింది. గత కొన్ని సంవత్సరాలుగా #MeToo లో అనేక తీవ్రమైన ఆరోపణలను ఎదుర్కొంటున్నారు ఆయ‌న‌. అత‌డి లైంగిక దుష్ప్రవర్తనపై సాజిద్ పై ఆరోపణలు చేసిన వారిలో షెర్లిన్ చోప్రా ప్ర‌ముఖ వ్య‌క్తి.

షెర్లిన్ తాజాగా ట్విటర్ లో అత‌డిపై మ‌రోసారి వార్ న‌డిపిస్తోంది. ``సల్మాన్ ఖాన్ స్టాండ్ తీసుకోవడానికి ఇది మంచి సమయం`` అని చెబుతూ... షెర్లిన్ ట్విట్టర్ లో ఇలా పేర్కొంది. ``అతను తన ప్రైవేట్ పార్ట్ ను నాకు చూపించాడు. దానికి 0 నుండి 10 స్కేల్ లో రేటింగ్ ఇవ్వ‌మ‌ని అడిగాడు.

నేను బిగ్ బాస్ ఇంట్లోకి ప్రవేశించి అతనికి రేటింగ్ ఇవ్వాలనుకుంటున్నాను. ప్రాణాలతో బయటపడిన వ్యక్తినైన నేను వేధించే వ్యక్తితో ఎలా వ్యవహరిస్తానో భారతదేశం చూడనివ్వండి!`` అని అంది. దయచేసి ఒక స్టాండ్ తీసుకోండి! @బీయింగ్ స‌ల్మాన్ ఖాన్‌.. అంటూ స‌ల్మాన్ స్వ‌చ్ఛంద సేవా సంస్థ‌ను ట్యాగ్ చేసింది.

షెర్లిన్ స‌హా చాలా మంది నటీమణులు మోడల్స్ ద‌ర్శ‌క‌నిర్మాత కొరియోగ్రాఫ‌ర్ ఫరా ఖాన్ తమ్ముడు సాజిద్ ఖాన్ కు వ్యతిరేకంగా స్వరం పెంచారు. వేధింపుల ఆరోప‌ణ‌లు చేసారు. పార్టీలలో తన ప్రైవేట్ భాగాలను ఫ్లాష్ చేయడం... కాస్టింగ్ ప్రక్రియలో భాగంగా మహిళా నటీమ‌ణులు నగ్న చిత్రాలను తనకు పంపమని అడగడం... మహిళల ముందు పోర్న్ చూడటం వంటి లైంగిక వేధింపుల ఆరోపణలు సాజిద్ పై వచ్చాయి.

బాలీవుడ్ సూపర్ స్టార్ సల్మాన్ ఖాన్ హోస్ట్ చేస్తున్న `బిగ్ బాస్ 16`లో పోటీదారుగా సాజిద్ ఖాన్ ని తీసుకుని రావ‌డం వివాదాస్ప‌ద‌మైంది. దీనిపై మ‌హిళా సంఘాలు ఆరోపిస్తున్నాయి. ఇటీవల గాయని సోనా మహపాత్రా భారతీయ టెలివిజన్ ఛానెల్ లు వాటిలో ప‌ని చేసే ఎగ్జిక్యూటివ్ లను చెడిపోయిన జాతిగా అభివ‌ర్ణించ‌డ‌మే గాక‌.. చాలా విచారంగా ఉంద‌ని అన్నారు. సాజిద్ ను షో నుంచి నిషేధించాల్సిందిగా ఇప్ప‌టికే దిల్లీ మ‌హిళా క‌మీష‌న్ కి కూడా ఫిర్యాదు అందింది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.