అమితాబ్ ని కాపీ కొట్టిన యోగ బ్యూటీ

సాధారణంగా హీరోలను ఇమిటేట్ చేసేవారు చాలామందే ఉంటారు. కానీ హీరోయిన్స్ ను ఇమిటేట్ చేయడం చాలా క్లిష్టమైన విషయం. అలాంటి వారు అరుదుగా కనిపిస్తారు. అలాగే స్టార్స్ లో కూడా కొందరు ఇతరులను ఇమిటేట్ చేసి నవ్వులు పూయిస్తుంటారు కానీ.. నటీమణులు ఇలా ఎవరైనా ఇమిటేట్ చేస్తే ఆశ్చర్యంగానే ఉంటుంది. కొన్ని సినిమాల్లో స్టార్స్ ఇతరులను అప్పుడప్పుడూ అనుకరిస్తూ ప్రేక్షకులను అలరిస్తారు.

ప్రస్తుతం ఈ ప్యారడీ సీన్స్ సినిమాల్లో బాగానే కనిపిస్తున్నాయి. బుల్లి తెరపై కూడా కొన్ని కార్యక్రమాల్లో ఇలాంటివి గోచరిస్తున్నాయి. కానీ హీరోయిన్స్ ఎక్కువగా ఇతర హీరోలను ఇమిటేట్ చెయ్యరు. ఒకవేళ నిజంగా చేసినా.. మెప్పించడం చాలా కష్టం. కానీ తామేమీ ఈ విషయంలో తక్కువ కాదని.. ఇమిటేషన్ లో అమ్మాయిలు కూడా పర్ఫెక్ట్ గా చేయగలరని ప్రూవ్ చేసింది బాలీవుడ్ సీనియర్ హీరోయిన్ శిల్పా శెట్టి. ఈ భామ రీసెంట్ గా బాలీవుడ్ మెగాస్టార్ అమితాబ్ బచ్చన్ ని ఇమిటేట్ చేస్తూ ఒక వీడియో క్లిప్ ను సోషల్ మీడియాలో పోస్ట్ చేసింది. అప్పట్లో అమితాబ్ ఎలా డ్యాన్స్ చేసే వారో.. అలానే ఈ యోగ బ్యూటీ స్టెప్ వేస్తూ ఈ వీడియోలో కనిపిస్తుంది. ఇందుకోసం శిల్పా శెట్టి వేసుకున్న డ్రెసింగ్ కూడా కరెక్ట్ గా సూట్ అయింది.

అసలు ఇంతకీ శిల్ప ఇలా ఎందుకు చేయాల్సి వచ్చిందంటే.. ఓ కామెడీ షో టాస్క్ కోసం.. అమితాబ్ లా రెడీ అయ్యానని చెబుతున్న శిల్ప.. తన జీవితంలో ఇది కష్టపడి చేసిన టాస్క్ అని వివరించింది. ప్రస్తుతం ఈ వీడియో సోషల్ మీడియాలో వైరల్ అవుతోంది. కొరియోగ్రాఫర్‌- దర్శకురాలు ఫరాఖాన్‌ ఆ కామెడీ షోకు వ్యాఖ్యాతగా వ్యవహరిస్తోంది.