ప్రభాస్‌ ను అనుకరించిన బాలీవుడ్‌ స్టార్‌ కిడ్‌

టాలీవుడ్‌ లో తెరకెక్కిన 'బాహుబలి' చిత్రం కేవలం సౌత్‌ ఇండియాలోనే కాకుండా మొత్తం దేశ వ్యాప్తంగా కూడా విశేష ఆధరణ దక్కించుకున్న విషయం తెల్సిందే. బాహుబలి రెండు పార్ట్‌ లకు కూడా బాలీవుడ్‌ ప్రేక్షకులు బ్రహ్మరథం పట్టారు. అద్బుతమైన వసూళ్లు నమోదు అయ్యాయి. ఇక ప్రస్తుతం సినిమా హిందీ వర్షన్‌ టీవీల్లో వచ్చినా కూడా ప్రేక్షకులు బుల్లి తెరకు అతుక్కు పోయి చూస్తూనే ఉన్నారు. బాలీవుడ్‌ స్టార్స్‌ కు కూడా బాహుబలి బాగా నచ్చిందనే విషయం ప్రత్యేకంగా చెప్పనక్కర్లేదు. తాజాగా బాలీవుడ్‌ స్టార్‌ హీరోయిన్‌ శిల్పాశెట్టి తనయుడు వియాన్‌ రాజ్‌కుంద్రా బాహుబలి సీన్‌ ను అనుకరించిన వీడియో వైరల్‌ అవుతోంది.

టీవీలో బాహుబలి సినిమా చూస్తూ అందులో ప్రభాస్‌ శివలింగంను ఎలా అయితే ఎత్తాడో అలాగే తన రీడింగ్‌ చైర్‌ ను శిల్పాశెట్టి తనయుడు వియాన్‌ ఎత్తాడు. వియాన్‌ చైర్‌ ను ఎత్తడంను శిల్పా భర్త రాజ్‌ కుంద్రా వీడియో తీశాడు. వీడియోను సోషల్‌ మీడియాలో పోస్ట్‌ చేసి వీడికి తల్లి నటన స్కిల్స్‌ వచ్చినట్లు ఉన్నాయంటూ సరదా కామెంట్‌ చేశాడు. వియాన్‌ కుంద్రా చైర్‌ బలి వీడియో సోషల్‌ మీడియాలో వైరల్‌ అవుతోంది. బాహుబలి సినిమా ఏస్థాయిలో బాలీవుడ్‌ వారికి ఎంతగా నచ్చిందో ఈ సంఘటనతో మరోసారి నిరూపితం అయ్యింది.