ఆర్య ఫ్రెండు మ‌ళ్లొస్తుండు

'చంద‌మామ' మూవీలో న‌వ‌దీప్‌తో క‌లిసి న‌టించాడు శివ‌బాలాజీ. న‌టుడిగా మంచి మార్కులే వేయించుకున్నాడు. ఆ సినిమా బ్లాక్‌బ‌స్ట‌ర్ హిట్ కొట్టడంతో కెరీర్ ప‌రంగా బోలెడంత ఊపందుకుంది. బ‌న్ని సినిమా ఆర్య‌లో అత‌డికి ఫ్రెండు కం ఎనిమీగా క‌నిపించాడు. ఆర్య లో పెర్ఫామెన్స్‌తో న‌టుడిగా మ‌రో మెట్టు ఎక్కాడు. అయితే ఎందుక‌నో ఇటీవ‌లి కాలంలో శివ‌బాలాజీకి అంత‌గా అవ‌కాశాల్లేవ్.

అసలు అత‌డు ఏమ‌య్యాడో కూడా తెలుగు జ‌నాల‌కు పెద్ద‌గా తెలీదు. ఏదేమైనా ఈ గ్యాప్‌ని ఫిల్ చేస్తూ మ‌రోసారి తెలుగు ప్రేక్ష‌కుల ముందుకు వ‌స్తున్నాడు. ప్ర‌స్తుతం అత‌డు ఓ సినిమాలో హీరోగా న‌టిస్తున్నాడు. స్నేహ‌మేరా జీవితం అనేది టైటిల్‌. మ‌హేష్ ఉప్పుటూరి ద‌ర్శ‌కుడిగా ప‌రిచ‌యం అవుతున్నారు. ఈ చిత్రంలో విల‌న్‌గా అజ‌య్‌ని ఎంపిక చేసుకున్నా.. కాల్షీట్ల స‌మ‌స్య వ‌ల్ల ఆ ప్లేస్లోకి రాజీవ్ క‌న‌కాల వ‌చ్చి చేరాడు. ప్ర‌స్తుతం ఆన్‌సెట్స్ ఉందీ సినిమా. రాజ‌మండ్రి, పోచంప‌ల్లి ఏరియాల్లో షూటింగ్ చేస్తున్నారు.

శివ‌బాలాజీ విష‌యం ఉన్న న‌టుడు. ప‌రిశ్ర‌మ‌లో పెద్ద స్థాయిలో బ్యాక్‌గ్రౌండ్ లేక‌పోయినా త‌నంత‌ట తానుగా స్టామినాని నిరూపించుకుని ఇంత‌కాలం కెరీర్ సాగించాడు. తాజా సినిమా హిట్ట‌యితే మ‌రిన్ని అవ‌కాశాల్ని చేజిక్కించుకోవ‌చ్చు. స్నేహ‌మేరా జీవితం టైటిల్‌కి త‌గ్గ‌ట్టే ఇద్ద‌రు స్నేహితుల క‌థ‌తో ఈ సినిమా తెర‌కెక్కుతోంద‌ని చెబుతున్నారు.