శివాయ్.. హాలీవుడ్ డబ్బింగ్ మూవీలా!!

ఎవరన్నారండీ.. హాలీవుడ్ రేంజ్ లో సినిమాలు తీయడం ఇండియన్ మూవీ మేకర్స్ కి రాదని ఎవరన్నారండీ.. మళ్లీ ఈ మాట ఎవరైనా అంటే ఓసారి శివాయ్ ట్రైలర్ చూపించాల్సిందే. గతేడాది బాహుబలి ఇంటర్నేషనల్ గా సృష్టించిన సంచలనాలు ఇంకా మర్చిపోక ముందే.. ఇప్పుడు మరో మూవీ సెన్సేషన్స్ కి రెడీ అయిపోతోంది.

అజయ్ దేవగన్-సాయేషా సైగల్ జంటగా నటించిన శివాయ్.. ఈ దీపావళికి థియేటర్లలోకి రానుంది. ఇప్పుడీ మూవీకి థియేట్రికల్ ట్రైలర్ రిలీజ్ చేశారు. దాదాపు 4 నిమిషాల ఉండే లెంగ్తీ ట్రైలర్ లో.. ఒక్క ఫ్రేమ్ మిస్ అయినా.. మీరు ఏదో కోల్పోయినట్లే. మంచుకొండల్లో తీసిన సీన్స్ నుంచి.. యాక్షన్ ఎలిమెంట్స్ వరకూ.. ఇప్పటివరకూ ఇండియన్ స్క్రీన్ పై కనిపించని ఎన్నో విచిత్రాలను చేసి చూపించాడు అజయ్ దేవగన్.

అసలు ఇండియాలో ఇలాంటి సినిమా తీయడం సాధ్యమవుతుందా అనిపించకమానదు. శివాయ్ ట్రైలర్ చూస్తుంటే.. ఏదో హాలీవుడ్ మూవీని హిందీలో వాయిస్ ఓవర్ చెబుతుంటే చూస్తున్నట్లుంది తప్ప.. అసలు ఓ బాలీవుడ్ మూవీ చూస్తున్నామనే ఫీలింగ్ రాదంటే.. ఈ ట్రైలర్ ఏ రేంజ్ లో ఉందో అర్ధమవుతుంది. ఇదే టెంపో సినిమాలోనూ మెయింటెయిన్ చేస్తూ.. శివాయ్ బ్లాక్ బస్టర్ గ్యారంటీనే.