వీళ్ల మ‌ధ్య కెమిస్ట్రీ సూప‌ర‌బ్బా...!

హై ఓల్టేజ్ ల‌వ్ స్టోరీ అన‌గానే... మ‌ళ్లీ రామ్ శైలి అల్ల‌రికి యాక్ష‌న్‌ని జోడించి సినిమా తీసుంటారులే అనుకొన్నాం. కానీ అవొక్క‌టే కాదు.. మాంచి రొమాన్స్‌ ని కూడా చూపించేసిన‌ట్టున్నారు. రామ్, రాశిఖ‌న్నా జంట‌గా న‌టించిన `శివ‌మ్‌` సంగ‌తులేనండీ ఇవ‌న్నీ. నిన్న‌నే `శివ‌మ్‌` సింగిల్ షాట్ టీజ‌ర్ విడుద‌లైంది. ఆడియో రిలీజ్ డేట్‌ ని ప్ర‌క‌టించేందుక‌ని ఈ టీజ‌ర్‌ ని విడుద‌ల చేశారు. 24 సెకన్లు మాత్ర‌మే నిడివి ఉన్న‌ప్ప‌టికీ ఆ టీజ‌ర్ అంద‌రినీ అదుర్స్ అనిపించింది. ముఖ్యంగా రామ్, రాశీఖ‌న్నాల మ‌ధ్య సినిమాలో మంచి కెమిస్ట్రీ వ‌ర్క‌వుట్ అయింద‌ని ఆ టీజ‌ర్ చెప్ప‌క‌నే చెబుతోంది. రాశిఖ‌న్నా ఏ హీరోతో క‌లిసి న‌టించినా బాగానే ఉంటుంది. ఆమె ఫీచ‌ర్స్ అలాంటివి. ఇక రామ్ అంటారా? మ‌నోడు ఆల్‌ రౌండ‌ర్‌. ప్రేమ‌క‌థ‌ల తీసుకొస్తే మిల్కీబాయ్‌ లా మారిపోతాడు. యాక్ష‌న్ క‌థ‌లిస్తే అల్ల‌రి చేస్తూ అద‌ర‌గొట్టేస్తాడు. అందుకే త‌క్కువ కాలంలోనే మాస్ హీరో అనిపించుకొన్నాడు.

కాక‌పోతే ఇటీవలకాలంలో రామ్ న‌టిస్తున్న సినిమాలే స‌రైన ఫ‌లితాన్ని ఇవ్వడం లేదు. `పండ‌గ చేస్కో` క‌మ‌ర్షియ‌ల్ హిట్టు అనిపించుకొన్న‌ప్ప‌టికీ ఇంకా రామ్ నుంచి రావాల్సింది చాలా ఉంది. ఇదివ‌ర‌కు ఆచితూచి సినిమాలు చేసిన రామ్ ఇప్పుడు జోరు పెంచిన‌ట్టు క‌నిపిస్తున్నాడు. ఒకేసారి రెండు సినిమాల్ని లైన్ లో పెట్టాడు. మొద‌ట `శివ‌మ్‌` విడుద‌ల‌వుతుంది. ఈ చిత్రంతో సురేంద‌ర్‌ రెడ్డి శిష్యుడు శ్రీనివాస‌రెడ్డి ద‌ర్శ‌కుడిగా ప‌రిచ‌య‌మ‌వుతున్నాడు. దేవిశ్రీప్ర‌సాద్ సంగీతం అందించాడు. ఈ నెల 12న పాట‌ల్ని అక్టోబ‌రు 2న చిత్రాన్ని ప్రేక్ష‌కుల ముందుకు తీసుకొచ్చే ప్ర‌యత్నాలు చేస్తున్నారు. ఈ చిత్రం విడుద‌లైన ఒక‌ట్రెండు నెల‌ల్లోనే రామ్ మ‌ళ్లీ `హ‌రిక‌థ‌`తో సంద‌డి చేయ‌బోతున్నాడు. ఆ త‌ర్వాత చేయ‌బోయే సినిమాల గురించి కూడా రామ్ ఇప్ప‌టికే ఓ క్లారిటీతో ఉన్నాడ‌ని తెలుస్తోంది.