పుకార్లు ఆగ‌క‌పోయినా సానియా మీర్జా స‌ర్ ప్రైజ్

ఓ వైపు విడాకుల పుకార్లు.. మ‌రోవైపు భ‌ర్త‌తో ఓటీటీ టాక్ షో.. ఈ రెండిటిలో ఏది న‌మ్మాలి? ఏది నిజం.. ఏది అబ‌ద్ధం? అంటూ కొన్నాళ్లుగా భార‌త టెన్నిస్ స్టార్ సానియా మీర్జా అభిమానులు అంత‌ర్మ‌ద‌నంలో ఉన్నారు. విడాకుల పుకార్లు ఇంకా వినిపిస్తున్నా త‌న భ‌ర్త‌ షోయబ్ మాలిక్ తో సానియా మీర్జా OTT ప్లాట్ ఫామ్ లో టాక్ షో కోసం రెడీ అవుతుండ‌డం ఆశ్చ‌ర్య‌ప‌రుస్తోంది.

ఈ టాక్ షోకి 'ది మీర్జా మాలిక్' అనే టైటిల్ ని పెట్ట‌డం ఆస‌క్తిక‌రం. ఇంత‌కుముందే ఈ టాక్ షో గురించిన‌ వివ‌రాలు వెల్ల‌డ‌య్యాయి. తాజాగా కొత్త ప్రోమోను సానియా మీర్జా రిలీజ్ చేసారు. ఏప్రిల్ 2010లో పెళ్లి చేసుకున్న ఈ జంట ఇప్ప‌టికే విడిపోయినట్లు కొన్ని నెలలుగా మీడియాలో క‌థ‌నాలొస్తూనే ఉన్నాయి.

అయితే ఈ పుకార్ల‌ను ఖండిస్తూ ఆ ఇద్ద‌రూ బహిరంగంగా ఏదీ ప్ర‌క‌టించ‌లేదు. అయితే తాజాగా రిలీజైన టాక్ షో ప్రోమో బ్రేక‌ప్ సందేహాల‌కు చెక్ పెట్టింద‌నే చెప్పాలి. విడాకులపై పెరుగుతున్న ప్రశ్నలను అణిచివేసేందుకు ఈ జంట ఇటీవ‌ల ప్రయత్నిస్తోంది.

పాకిస్థాన్ జాతీయ జట్టు మాజీ కెప్టెన్ షోయబ్ ఇన్ స్టాగ్రామ్ లో ఇలా రాసారు. ''స్పోటిఫైలో మీర్జా మాలిక్ షో త్వ‌ర‌లో ప్రదర్శిత‌మ‌వుతుంది. ఉర్దూఫ్లిక్స్ (పాకిస్తాన్) లో వీక్షించండి'' అని వెల్ల‌డించారు. దాదాపు 30 సెకన్ల టీజర్ షోయబ్ -సానియా జంట పాకిస్తానీ సెల‌బ్రిటీలు హుమాయున్ సయీద్ - ఫహద్ ముస్తఫా- అద్నాన్ సిద్ధిఖీ .. అలాగే హోస్ట్ వసీమ్ బాదామి వంటి ప్రముఖులతో అల‌రించింది.

టాక్ షోలో అతిథులను సానియా-షోయ‌బ్ జంట స్వ‌యంగా స్వాగతించ‌డం క‌నిపిస్తోంది. స్పోర్ట్స్ లో శిఖ‌రాల్ని తాకిన సెల‌బ్రిటీ క‌పుల్ టాక్ షో కావ‌డంతో దీనిపై ప్ర‌పంచవ్యాప్తంగా ఉన్న వారి అభిమానుల్లో క్యూరియాసిటీ నెల‌కొంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.