'అమ్మ' శివగామికి మరీ అంతనా?

తమిళనాడు దివంగత మాజీ ముఖ్యమంత్రి జయలలిత బయోపిక్‌ అంటూ ఇప్పటికే రెండు మూడు సినిమాలు ప్రారంభం అయ్యాయి. అమ్మ బయోపిక్‌ లు ఎవరికి తోచినట్లుగా వారు తీసేస్తున్నారు. అన్ని కూడా ఈ సంవత్సరంలోనే కాస్త అటు ఇటుగా మూడు నెలల్లో వచ్చే అవకాశం కనిపిస్తుంది. సినిమాల కంటే ముందుగా అమ్మ బయోపిక్‌ వెబ్‌ సిరీస్‌ రూపంలో వచ్చే అవకాశం కనిపిస్తుంది. అమ్మ జీవితాన్ని సినిమాలో చూపించలేం అంటూ వెబ్‌ సిరీస్‌ ను చేసేందుకు సిద్దం అయ్యారు. వెబ్‌ సిరీస్‌ లో అమ్మ పాత్రను శివగామి రమ్యకృష్ణ చేయబోతుంది.

బాహుబలి చిత్రం తర్వాత రమ్యకృష్ణ స్థాయి అమాంతం పెరిగి పోయింది. హీరోయిన్‌ గా స్టార్‌ డం ను దక్కించుకున్న రమ్యకృష్ణ సెకండ్‌ ఇన్నింగ్స్‌ లో చిన్నా చితకా సినిమాలు చేస్తు ఉన్న ఆమెకు బాహుబలితో ఒక్కసారిగా మళ్లీ స్టార్‌ డం దక్కింది. బాహుబలి సినిమా తర్వాత రమ్యకృష్ణ వరుసగా కీలక పాత్రల్లో కనిపిస్తు వస్తుంది. తాజాగా వెబ్‌ సిరీస్‌ కు రమ్యకృష్ణ ఎంపిక అవ్వడంతో ఆమె స్థాయి మరింతగా పెరింది. అమ్మ పాత్రలో నటించేందుకు రమ్యకృష్ణ ఏకంగా రెండు కోట్ల రూపాయల పారితోషికంను తీసుకుంటున్నట్లుగా తెలుస్తోంది.

జయలలితకు సంబంధించిన పూర్తి విషయాలను తమ వెబ్‌ సిరీస్‌ లో చూపించేందుకు యూనిట్‌ సభ్యులు సన్నాహాలు చేస్తున్నారు. అందుకు సంబంధించి షూటింగ్‌ కూడా ప్రారంభం అయ్యింది. ప్రస్తుతం చెన్నైలో వెబ్‌ సిరీస్‌ షూటింగ్‌ జరుపుతున్నట్లుగా చెబుతున్నారు. శివగామి పాత్రతో స్టార్‌ డం ను దక్కించుకున్న రమ్యకృష్ణ మరోసారి జయలలిత పాత్రతో మళ్లీ తన సత్తా చాటుతుందేమో చూడాలి. ఈ వెబ్‌ సిరీస్‌ ను తెలుగులో డబ్‌ చేసే ఆలోచనలో నిర్మాతలు ఉన్నట్లుగా తెలుస్తోంది.