స‌ల్మాన్- ప్ర‌భుదేవా ద‌బాంగ్-3 సెట్స్ కి

కొరియోగ్రాఫ‌ర్ ట‌ర్న్ డ్‌ డైరెక్ట‌ర్ ప్ర‌భుదేవా ప్ర‌తిభ గురించి ప్ర‌త్యేకించి చెప్పాల్సిన ప‌నేలేదు. టాలీవుడ్ నుంచి బాలీవుడ్ వ‌ర‌కూ ప‌లువురు స్టార్ హీరోల్ని డైరెక్ట్ చేసిన అనుభ‌వం ప్ర‌భుదేవాకు ఉంది. చిరంజీవి- స‌ల్మాన్- అక్ష‌య్- అజ‌య్ దేవ‌గ‌న్- సిద్ధార్థ్ వంటి స్టార్ల‌ను డైరెక్ట్ చేశాడు. ముఖ్యంగా కండ‌ల హీరో స‌ల్మాన్ ఖాన్ హీరోగా ప్ర‌భుదేవా తెర‌కెక్కించిన వాంటెడ్ (పోకిరి రీమేక్) 2009లో ఆల్ టైమ్ రికార్డ్ హిట్ గా నిలిచింది. ఆ క్ర‌మంలోనే స‌ల్మాన్ భాయ్ తో ప్ర‌భుదేవాకు గొప్ప అనుబంధం ఏర్ప‌డింది. ఎంత‌గా అంటే త‌న త‌మ్ముడు సోహైల్ ఖాన్ లాంటి వాడినే ప‌క్క‌న పెట్టి ప్ర‌భుదేవాకి పిలిచి మ‌రీ అవ‌కాశం ఇస్తున్నాడు స‌ల్మాన్. ద‌బాంగ్ సిరీస్ లో పార్ట్ 3కి ప్ర‌భుదేవా ద‌ర్శ‌క‌త్వం వ‌హించనున్నార‌ని గ‌త కొంత‌కాలంగా వార్త‌లు రిపీటెడ్ గా వ‌చ్చాయి. అయితే ప్రారంభోత్స‌వం ఎప్పుడు అన్న‌ది ఇన్నాళ్లు స‌స్పెన్స్ గానే ఉంది.

తాజా స‌మాచారం ప్ర‌కారం.. స‌ల్మాన్ హీరోగా ప్ర‌భుదేవా ద‌ర్శ‌క‌త్వంలో ద‌బాంగ్ 3 ప్రారంభ‌మైంది. ప్ర‌ఖ్యాత బాలీవుడ్ క్రిటిక్ త‌ర‌ణ్ ఆద‌ర్శ్ ఈ క్రేజీ మూవీ వివ‌రాల్ని అందించారు. ``దాదాపు ప‌దేళ్ల త‌ర్వాత స‌ల్మాన్ - ప్ర‌భుదేవా కాంబినేష‌న్ తిరిగి ఓ సినిమా చేస్తున్నారు. ద‌బాంగ్ 3 నేటి (ఏప్రిల్ 1) నుంచి సెట్స్ కెళుతోంది.. చుల్ బుల్ పాండే ఈజ్ బ్యాక్!`` అని త‌ర‌ణ్ తెలిపారు. కొంత గ్యాప్ త‌ర్వాత ప్ర‌భుదేవా కెరీర్ కి ఇది బిగ్ బూస్ట్ అనే చెప్పాలి. ఈ ప్ర‌జెక్టు కోసమే అత‌డు ఎంతో కాలంగా వేచి చూస్తున్నాడు. గ‌త ఏడాది స‌ల్మాన్ బ‌ర్త్ డే సంద‌ర్భంలో, అలాగే ప‌లుమార్లు త‌నని ముంబైలో క‌లుసుకున్న ప్ర‌భుదేవాకు అప్పుడు ద‌బాంగ్ 3 ఛాన్స్ విష‌య‌మై భాయ్ ప్రామిస్ చేశాడ‌ని మాట్లాడుకున్నారు.

ఎట్ట‌కేల‌కు భాయ్ ఇచ్చిన‌ ప్రామిస్ నిల‌బెట్టుకున్నాడు. ప్ర‌భుదేవాకు లైన్ క్లియ‌రైంది. మ‌రోవైపు ప్ర‌భుదేవా క‌థానాయ‌కుడిగా `దేవి` ఫేం ఏ.ఎల్‌.విజ‌య్ ప్ర‌స్తుతం `దేవి 2` చిత్రీక‌రిస్తున్న సంగ‌తి తెలిసిందే. హార‌ర్ బ్యాక్ డ్రాప్ లో తెర‌కెక్కుతున్న ఈ చిత్రంలో ప్ర‌భుదేవా ఓ కీల‌క పాత్ర‌లో న‌టిస్తున్నారు. త‌మ‌న్నా క‌థానాయిక‌గా న‌టిస్తోంది. ఇటీవ‌లే రిలీజ్ చేసిన టీజ‌ర్, పోస్ట‌ర్లు ఆక‌ట్టుకున్నాయి. మ‌ర‌క్క‌ర్, స్ట్రీట్ డ్యాన్స‌ర్, కామోషి త‌దిత‌ర చిత్రాల్లోనూ ప్ర‌భుదేవా న‌టిస్తూ బిజీగా ఉన్నారు.