శ్ర‌ద్ధ‌గా వెన‌క్కి.. `సాహో`రే భాయ్‌

దాదాపు 300కోట్ల బ‌డ్జెట్‌ తో అత్యంత ప్ర‌తిష్ఠాత్మ‌కంగా తెర‌కెక్కుతోంది `సాహో`. ప్ర‌భాస్‌ ని ఇండియాలోనే ది బెస్ట్ యాక్ష‌న్ హీరోగా నిల‌బెట్టడ‌మే ధ్యేయంగా .. యూనివ‌ర్శ‌ల్ ఆడియెన్స్‌ తో క‌నెక్టివిటీ ఉన్న పాయింట్‌ తో ఈ చిత్రాన్ని అత్యంత భారీ యాక్ష‌న్ ఎంట‌ర్‌ టైన‌ర్‌ గా తీర్చిదిద్దుతున్నారు. ఇలాంటి సినిమాలో హీరోయిన్ అంటే ఏదో ఇలా వ‌చ్చి అలా సాంగేసుకుని, నాలుగు సీన్ల‌లో క‌నిపించి వెళ్లిపోవడం అన్న‌ట్టు చూపిస్తే జ‌నంతో చీవాట్లు తినాల్సి ఉంటుంది. అందుకే ఈ సినిమాలో శ్ర‌ద్ధాక‌పూర్ పాత్ర‌ను అంతే అందంగా తీర్చిదిద్దార‌ట‌.

ఇంకా చెప్పాలంటే ఈ సినిమాకి ఓ కోణంలో అస‌లైన హీరో శ్ర‌ద్ధాక‌పూర్. త‌న పాత్ర ఈ క‌థ‌ను నేరేట్ చేస్తుంద‌ని ఇదివర‌కూ దుబాయ్ షూటింగ్ వేళ గల్ఫ్ మీడియాకి ప్ర‌భాస్ స్వ‌యంగా రివీల్ చేశారు. ఇక ఇందులో శ్ర‌ద్ధా సైతం స్టంట్స్‌ తో రెసిడెంట్ ఈవిల్ క‌థానాయిక‌లా అద‌ర‌గొట్టేయ‌బోతోంది. ఇంకా చెప్పాలంటే డ్రాకులా ఈజ్ బ్యాక్! అన్న చందంగా శ్ర‌ద్ధా పాత్ర సాహో సినిమాని నడిపించబోతోంద‌న్న‌మాట‌! ఇటీవ‌ల బాలీవుడ్ క‌మిట్‌ మెంట్ల కోసం అటువైపు వెళ్లిన శ్ర‌ద్దా తిరిగి సాహో సెట్స్‌ కి ఎటెండ్ అవుతోంది. మ‌ళ్లీ సాహో చిత్రీక‌ర‌ణ‌తో బిజీ కాబోతోంది. అలా త‌న కంబ్యాక్‌ ని ఆవిష్క‌రిస్తూ త‌న‌పై క్లాప్ కొడుతున్న ఫోటోని సామాజిక మాధ్య‌మాల్లో శ్ర‌ద్ధా స్వ‌యంగా షేర్ చేసింది.