హిందీలో భోజిపూరి నటిగా చేస్తుంది

హిందీ సినిమాల్లో ఇప్పుడు కమర్షియల్ సినిమాలోనే దేశి కథలను చెప్పడానికి ప్రయత్నాలు చేస్తున్నారు. ఇప్పుడు ఒక తెలుగు హీరోయిన్ కూడా అక్కడ అటువంటి సినిమా ఒకటి చేస్తోంది. సెక్సీ బ్యూటి శ్రద్ధా దాస్ తెలుగులో నటించిన సినిమాలు అన్నీ గ్లామర్ ఎక్కువగా ఉన్న పాత్రలే. గుంటూరు టాకీస్ లో లేడి డాన్ గా కొంచెం కొత్తగా కనిపించడానికి ప్రయత్నం చేసింది. ఇప్పుడు విడుదల కాబోతున్న గరుడ వేగలో ఆమె పాత్ర ఈ సినిమాలో కీలకం అనే అంటున్నారు. ఈ సినిమా తో పాటుగా శ్రద్దగా మరో హిందీ సినిమాలో వైవిధ్యమైన పాత్రలో కనిపించబోతుంది.

నవాజుద్దీన్ సిద్దిఖీ హీరో గా నటిస్తున్న బాబూ మోషై బందూక్ బాజ్ సినిమాలో ఒక భోజిపూరి అమ్మాయిగా సినిమా హీరోయిన్ కావాలి అనుకునే అమ్మాయిగా నటించబోతుంది. ఈ పాత్ర గురించి శ్రద్ధా దాస్ ఏమి అన్నది అంటే “ఈ పాత్ర చేయడానికి కొంచెం కష్టపడ్డాను ఎందుకంటే నాకు ఆ భోజిపూరి భాష గురించి కానీ అక్కడ అమ్మాయిలు ఎలా ఉంటారు ఎలా ఆలోచిస్తారు అనేది కానీ తెలియదు. ఈ సినిమాలో నా మేకప్ కూడా భలే ఉంటుంది తలుకుబెళుకు బట్టలు అతిగా వేసుకున్న మేకప్ తో నటి కావాలి అనుకోని వచ్చే ఒక చిన్న టౌన్ అమ్మాయిగా చేశాను. చిన్న పట్టణం నుండి వచ్చి సినిమా ఇండస్ట్రిలో ఆమె ఎలా కష్టపడుతుంది అనేది నా పాత్ర అని చెప్పింది. ”

ఇంకా ఈ సినిమాలో పని చేసే అనుభవం గురించి కూడా ఇలా అంటుంది. “ఈ సినిమా చేయడం వలన నేను చాల నేర్చుకున్నాను. నవాజుద్దీన్ తో కలిసి నటించే అవకాశం వచ్చింది. ఆయన నటనను చూస్తూ నేను కొన్ని నటనలో పాఠాలు నేర్చుకున్నా. నవాజుద్దీన్ సిద్దిఖీ తన పాత్ర కోసం చాలా రిసర్చ్ చేసి ఇంటి దగ్గరే ఆ పాత్ర కోసం బాగ ప్రిపేర్ అయి వస్తారు'' అని చెబుతుంది శ్రద్ధా దాస్. బాబూమోషై బందూక్ బాజ్ సినిమాను కుషన్ నండీ డైరెక్ట్ చేస్తున్నారు. శ్రద్ధా దాస్ నటించిన గరుడ వేగ సినిమా తొందరలోనే విడుదలకాబోతుంది.