బుల్లి తెరను కూడా హీటెక్కిస్తోంది

మంచి అందం, పర్శనాలిటీ ఉన్నా కూడా అదృష్టం కలిసి రాకపోవడం వల్లో లేక మరేంటో కాని శ్రద్దా దాస్‌ కు హీరోయిన్‌ గా సక్సెస్‌ లు దక్కలేదు. తెలుగులో పలు సినిమాల్లో నటించినా కూడా ఒక్కటంటే ఒక్కటి కూడా ఈమెకు పెద్దగా గుర్తింపును తెచ్చి పెట్టలేక పోయాయి. హీరోయిన్‌ గానే కాకుండా క్యారెక్టర్‌ ఆర్టిస్టుగా చేసినా, విలన్‌ గా చేసినా కూడా ఈమెకు కాలం కలిసి రాలేదు. తెలుగు సినిమా ఇండస్ట్రీలో ఇక మనుగడ సాద్యం కాదని భావించిన శ్రద్దా దాస్‌ బాలీవుడ్‌ వెళ్లి అక్కడ ప్రయత్నాలు చేసింది.

హిందీలో చేసిన సినిమాలు కూడా శ్రద్దాకు గుర్తింపును తెచ్చి పెట్టలేక పోయాయి. వచ్చిన ప్రతి అవకాశంను సద్వినియోగం చేసుకుని విచ్చలవిడిగా అందాల ప్రదర్శణ చేసి గ్లామర్‌ తో రెచ్చి పోయేందుకు విపరీతంగా ప్రయత్నించింది. కాని అందాల ప్రదర్శనను ఆస్వాదించిన ప్రేక్షకులు ఆమెపై అంతగా ఆసక్తి చూపలేరు. వెండి తెరపై దాదాపు పదేళ్లు ప్రయత్నించినా కూడా సక్సెస్‌ దక్కకున్నా కూడా ఇంకా ప్రయత్నాలు కొనసాగిస్తూనే ఉంది. వెండి తెరను వదిలేసి ఈసారి బుల్లి తెరను ఎంపిక చేసుకుంది.

ఈమద్య కాలంలో వెబ్‌ సిరీస్‌ లకు మంచి గిరాకీ ఉంది. అందుకే ఈమె తాజాగా ‘శింగార్‌ దాన్‌’ అనే వెబ్‌ సిరీస్‌ లో నటించింది. సినిమాల్లో అందాల ప్రదర్శణ చేసినట్లుగానే వెబ్‌ సిరీస్‌ కోసం కూడా అడ్డు అదుపు లేకుండా ఈమె స్కిన్‌ షో చేసినట్లుగా తెలుస్తోంది. వెబ్‌ సిరీస్‌ ను తన గ్లామర్‌ తో హీటెక్కించినట్లుగా తెలుస్తోంది. శ్రద్దా నటించిన శింగార్‌ దాన్‌ వెబ్‌ సిరీస్‌ ను చూడాంటే ఉల్లు అనే యాప్‌ ను డౌన్‌ లోడ్‌ చేసుకోవాల్సి ఉంటుంది. ఆ యాప్‌ లో ఈ వెబ్‌ సిరీస్‌ ను చూడవచ్చు.