అక్కడ స్టెప్పులేసి ఇక్కడ రిపోర్టింగ్

బడా వ్యక్తుల పార్టీలు.. పెళ్లిళ్లు.. వేడుకల్లో సినిమా తారలు స్టెప్పలేయడం ఎప్పటినుంచో జరుగుతున్న విషయమే. గాలి జనార్ధన్ రెడ్డి కూతురు బ్రాహ్మణి పెళ్లిలో ఎంతమంది సినీతారలు హంగామా చేశారో చూశాం. ఇప్పుడు మళ్లీ ఇలాంటి భారీ వేడుకే ఒకటి గాలి జనార్ధన్ రెడ్డి ఇంటనే జరిగింది.

గాలి జనార్ధన్ రెడ్డి పెళ్లి జరిగి 25 ఏళ్లు పూర్తయిన సందర్భంగా.. భారీ స్థాయిలో పార్టీ ఇచ్చారు. ఇందులో పలువురు భామలు తమ డ్యాన్సులతో ఆహుతులను అలరించారు. వీరిలో శ్రద్ధా దాస్ కూడా ఉంది. బెంగళూరులో జరిగిన ఈవెంట్ లో ఈ భామ ఓ రేంజ్ లో తన డ్యాన్సులతో అందరినీ ఆలరించింది. అయితే.. సహజంగా ఇలాంటి ఈవెంట్స్ కు బోలెడన్ని ఎనర్జీ లెవెల్స్ అవసరం కావడంతో.. కొంత అయినా రెస్ట్ తీసుకోవడం సహజం. కానీ బెంగళూరు ఈవెంట్ జరిగిన మరుసటి రోజునే షూటింగ్ కి అటెండ్ అయిపోయింది శ్రద్ధా దాస్.

రాజశేఖర్ హీరోగా రూపొందుతున్న మూవీలో కీలక పాత్ర చేస్తున్నట్లు చెప్పిన శ్రద్ధ.. ఈ సినిమాలో రిపోర్టర్ గా నటిస్తోంది. 'రియల్ లైఫ్ లో జర్నలిజం చదువుకున్నాను. ఇప్పుడు జర్నలిస్ట్ పాత్ర చేస్తున్నాను. పీఎస్‌వీ గరుడ వేగ 126.28ఎం చిత్రంలో రిపోర్టర్ పాత్రలో కనిపించనున్నాను' అని చెప్పింది శ్రద్ధా దాస్.

Like Us on Facebook : https://www.facebook.com/Tupakidotcom/