వీడియోలు చూస్తే ఫీలింగ్స్ వస్తాయా పాపా?

ఈ ఏడాది ప్రారంభంలో గుంటూరు టాకీస్ లో రివాల్వర్ రాణిగా బాగానే మెప్పించింది శ్రద్ధా దాస్. ఆ మూవీ సక్సెస్ కి రేష్మి అందాలు ఎంత ప్లస్ అయ్యాయో.. దాదాపు ఆ రేంజ్ లో శ్రద్ధ హాట్ నెస్ కూడా కారణమే. ఆ తర్వాత బాలీవుడ్ లో గ్రేట్ గ్రాండ్ మస్తీ అనే ఓ బోల్డ్ మూవీ చేసింది కానీ.. రిలీజ్ కి ముందే నెట్ లో వచ్చేయడంతో డిజాస్టర్ గా నిలిచింది.

ఇప్పుడీ భామ తెలుగులో కొత్త సినిమా సైన్ చేసింది. గుంటూరు టాకీస్ డైరెక్టర్ ప్రవీణ్ సత్తారు తీయనున్న నెక్ట్స్ మూవీలో ఈమే హీరోయిన్. రాజశేఖర్ ప్రధాన పాత్రలో నటిస్తున్న ఈ మూవీలో శ్రద్ధాదాస్ జర్నలిస్ట్ పాత్ర పోషిస్తోంది. ఈ పాత్ర చేయడంపై చాలా ఆనందంగా ఉన్నానంటోంది. కారణం.. ఈమెకు జర్నలిజంలో డిగ్రీ ఉండడమేనట. 'నేను జర్నలిజం చేసినా.. ఎప్పుడూ ఫీల్డ్ రిపోర్టింగ్ చేయలేదు. కానీ ఆ ఛాన్స్ ఈ సినిమా రూపంలో వచ్చింది' అంటున్న శ్రద్ధా దాస్.. ఇప్పటికే ఈ సినిమా కోసం సిద్ధమైపోతోందట. '9/11 ఎటాక్స్.. గోదావరి వరదలకు సంబంధించిన వీడియోలను విస్తృతంగా చూసేస్తున్నా. వీటిలో రిపోర్టర్లు ఆన్ స్క్రీన్ పై ఎలా ప్రవర్తించారో పరిశీలిస్తున్నా' అంటోందీ భామ.

చేతిలో జర్నలిజం డిగ్రీ ఉండి.. వీడియోల్లో చూసి జర్నలిస్టులు ఏం చేస్తారా చూస్తున్న అంటున్న ఈమెపై కామెడీ పంచ్ లు పేలుతున్నాయి. హాలీవుడ్ సినిమాలు చూసి టాలీవుడ్ లో దింపేసిన బాపతుగా.. వీడియోల్లో చూసి జర్నలిస్టుల్లా బిహేవ్ చేసేస్తుందన్న మాట. దానికి బదులు.. ఏదన్నా ఓ ఛానల్ తో పాటు ఫీల్డ్ రిపోర్టింగ్ ట్రై చేస్తే.. అటు ఛానల్ కి.. ఇటు కెరియర్ కు ప్లస్ అవుతాయ్ కదా పాపా!!