రామాయ‌ణం: సీతాదేవిగా శ్ర‌ద్ధాకు ల‌క్కీ ఛాన్స్

బాక్సాఫీస్ నంబర్ల ప‌రంగా రెండు బ్యాక్ టు బ్యాక్ హిట్స్ ఇవ్వడంతో శ్రద్ధ పేరు మార్మోగుతోంది. శ్ర‌ద్ధ న‌టించిన సాహో.. చిచ్చోర్ చిత్రాలు వారం గ్యాప్ లో రిలీజై రెండూ 100 కోట్ల క్ల‌బ్ లో నిలిచాయి. ఈ ఉత్సాహంలోనే త‌దుప‌రి చిత్రంలో న‌టించేందుకు రెడీ అవుతోంది. ప్ర‌స్తుతం వరుణ్ ధావన్ సర‌స‌న‌ స్ట్రీట్ డాన్సర్ 3డి .. బాఘి 3 చిత్రాలు సహా ఇప్పటికే క్యూలో ఉన్న మ‌రో రెండు చిత్రాల‌పైనా దృష్టి సారించింది. ఒకేసారి రెండు భారీ చిత్రాల్లో న‌టించేందుకు శ్ర‌ద్ధాకు ఆఫ‌ర్లు వ‌చ్చాయ‌ట‌. అయితే ఆ రెండిటిలో ఏదో ఒక‌టే ఎంచుకోవాల్సిన స‌న్నివేశం ఉంది.

తాజా స‌మాచారం ప్రకారం.. రణబీర్ కపూర్ - అజయ్ దేవ్‌గన్ నటిస్తున్న‌ `ల‌వ్ రాంజాన్` చిత్రంలో దీపికా పదుకొనే స్ఘానంలో న‌టించాల్సిందిగా శ్రద్ధాను ద‌ర్శ‌క‌నిర్మాత‌లు సంప్రదించారు. ఇప్ప‌టికే అజయ్ దేవ‌గ‌న్ తో శ్ర‌ద్ధా మంత‌నాలు సాగించింది. రణబీర్ స‌ర‌స‌న ఇప్ప‌టివ‌ర‌కూ న‌టించ‌లేదు కాబ‌ట్టి త‌న‌తో పని చేయడానికి ఆసక్తి ని కనబరిచినట్లు వార్త‌లొచ్చాయి. అయితే ఇంత‌లోనే ఊహించ‌ని వేరొక ఆఫ‌ర్ శ్ర‌ద్ధాని ఆలోచించుకునేలా చేస్తోంద‌ట‌.

దాదాపు 600 కోట్ల బ‌డ్జెట్ తో ట్ర‌యాల‌జీ త‌ర‌హాలో నిర్మించ‌నున్న భారీ చారిత్ర‌క చిత్రం `రామాయ‌ణం`లో శ్ర‌ద్ధాకు అవ‌కాశం ల‌భించింద‌ట‌. ఈ సినిమాలో హృతిక్ రోషన్ శ్రీ‌రాముడిగా న‌టిస్తార‌ని.. ప్ర‌భాస్ ని రావ‌ణాసురుడి పాత్ర కోసం సంప్ర‌దించార‌ని వార్త‌లు వ‌చ్చాయి. ఆస‌క్తిక‌రంగా ఇదే చిత్రంలో దీపిక ప‌దుకొనే సీత పాత్ర‌లో న‌టించ‌నుంద‌ని చెప్పుకున్నారు. కానీ ఆ పాత్ర కోస‌మ తాజాగా శ్ర‌ద్ధాని సంప్ర‌దించార‌ని ఓ ఆస‌క్తిక‌ర టాక్ వినిపిస్తోంది. ఆస‌క్తిక‌రంగా శ్ర‌ద్ధా న‌టించిన నితేష్ `రామాయ‌ణం` చిత్రానికి ద‌ర్శ‌క‌త్వం వ‌హిస్తున్నారు. ఆ క్ర‌మంలోనే ఆ ఇద్ద‌రి మ‌ధ్యా ర్యాపో బావుంటుంద‌న్న టాక్ కూడా వినిపిస్తోంది.