ప్రభాస్ తో ప్రేమతో పాటు పగ కూడా..

బాహుబలి సృష్టించిన సునామీ ఏమో గాని ప్రభాస్ నెక్ట్స్ సినిమా ఎప్పుడు రిలీజ్ అవుతుందా అని ప్రతి ఒక్కరిలో ఆసక్తిని రేపుతోంది. అంతే కాకుండా అసలు ఈ సినిమాలో కొత్తదనం ఏం ఉండనుందో అని అందరు సాహో అప్డేట్స్ కోసం సోషల్ మిడియాలో తరచూ చెక్ చేస్తూనే ఉన్నారు. ఇక బాహుబలి తర్వాత బాలీవుడ్ మీడియా టాలీవుడ్ పై ఓ కన్నేసి ఉంచుతోంది.

ముఖ్యంగా ప్రభాస్-సాహో హిందీలో కూడా తెరకెక్కుతుండడంతో సినిమా గురించి ఎలాంటి అప్డేట్ వచ్చినా ప్రత్యేక కథనాలను ప్రసారం చేస్తోంది. అయితే ఇపుడు అందరికి థ్రిల్ ఇచ్చే సాహో గురించి మరో గాసిప్ తెగ హల్ చల్ చేస్తోంది. సినిమాలో ఇప్పటికే బాలీవుడ్ నటీనటులతో నింపేసిన దర్శకుడు సుజిత్.. ఇద్దరు శ్రద్ధా కపూర్ లను చూపెట్టబోతున్నాడట. సినిమాలో హీరోయిన్ గా నటిస్తోన్న ఈ ముద్దుగుమ్మ ప్రభాస్ తో రొమాన్స్ చేసి అలాగే పోరాటం కూడా చేయనుందట. అంటే డ్యూయల్ రోల్ లో ఓ వైపు హీరోయిన్ గా మరో వైపు విలన్ గా రెండు పాత్రల్లో ప్రేక్షకులకు థ్రిల్ ఇవ్వనుందట. ఇప్పటికే బాలీవుడ్ నటి మందిర బేడీ ఒక ప్రత్యేక విలన్ పాత్రలో నటిస్తోంది.

ఇక మరో ముఖ్యమైన విషయం ఏమిటంటే హైదరాబాద్ లో జరుగుతున్న ఈ షూటింగ్ లో హీరోయిన్ శ్రద్ధ జాయిన్ అయ్యింది. ఇక ఇప్పటినుండి రెగ్యులర్ షూటింగ్ లో పాల్గొంటోందట. యాక్షన్ తరహా సీన్స్ సాహో సినిమాలో హైలెట్ గా నిలవనున్నాయని తెలుస్తోంది.