ఎన్టీఆర్ కోసం శ్ర‌ద్ధ‌తో బేరాలా?!

ఎన్టీఆర్ ఎప్పుడు కొత్త సినిమా మొద‌లుపెట్టినా వెంట‌నే ఆయ‌న ప‌క్క‌కి ఓ బాలీవుడ్ భామ వ‌చ్చి చేరిపోతుంటుంది. ప‌రిణీతి చోప్రా అనో - అలియాభ‌ట్ అనో ఇలా ఎవ‌ర్నో ఒక‌ర్ని తీసుకొచ్చేస్తుంటారు. ఎన్టీఆర్ ప‌క్క‌న న‌టించబోయేది వీళ్లే అని ప్ర‌చారం చేస్తుంటారు. కానీ అదేదీ వాస్త‌వం కాద‌ని నిరూపిస్తూ ద‌ర్శ‌క‌నిర్మాత‌లు లోక‌ల్ క‌థానాయ‌కుల‌నే ఎంపిక చేసుకుంటుంటారు. అయినా స‌రే ఎన్టీఆర్ ప‌క్క‌కి బాలీవుడ్ భామ‌లు రావ‌డం ఆగ‌డం లేదు! తాజాగా కొర‌టాల శివ ద‌ర్శ‌కుడిగా కొబ్బ‌రికాయ కొట్టుకున్న ఎన్టీఆర్ కొత్త సినిమా విష‌యంలో శ్ర‌ద్ధాక‌పూర్ ప్ర‌చారంలోకి వ‌చ్చింది. కానీ శ్ర‌ద్ధాతో సంప్ర‌దింపులు జ‌రిపింది వాస్త‌వ‌మే అని, అయితే ఆమె అడిగిన పారితోషికం భారీగా ఉండ‌టంతో చిత్ర‌బృందం ఆలోచ‌న‌లో ప‌డిపోయింద‌ని ఫిల్మ్‌ న‌గ‌ర్ వ‌ర్గాలు చెబుతున్నాయి. మ‌రి అందులో నిజ‌మెంత‌న్న‌ది తెలియాల్సి వుంది.

మైత్రీ మూవీస్ బ్యాన‌ర్‌ లో ఎన్టీఆర్ క‌థానాయ‌కుడిగా `జ‌న‌తా గ్యారేజ్` అనే చిత్రం తెర‌కెక్క‌బోతోంది. వ‌చ్చే సంక్రాంతి నుంచి చిత్రీక‌ర‌ణ మొద‌ల‌వుతుంది. ఇప్ప‌టికే కొబ్బ‌రికాయ కొట్టేశారు. ప్ర‌స్తుతం క‌థానాయిక‌ల ఎంపిక ప్ర‌క్రియ కొన‌సాగుతోంది. అర‌డ‌జ‌ను మంది క‌థానాయిక‌ల్ని ప‌రిశీలించారు. కానీ ఇప్ప‌టికీ ఎవ్వ‌రూ సెట్ట‌వ్వ‌లేద‌ని తెలిసింది. తాజాగా బాలీవుడ్ భామ శ్ర‌ద్ధాక‌పూర్‌ ని సంప్ర‌దించారు.ఆమెఏకంగా 3.5 కోట్లు పారితోషికం అడిగింద‌ట‌. దీంతో చిత్ర‌బృందం వెన‌క‌డుగు వేసిన‌ట్టు తెలిసింది. అంత‌కంటే త‌క్కువ రేటుకి బాలీవుడ్‌ కి చెందిన మ‌రో భామ ఎవ‌రైనా దొరుకుతుందా అని చిత్ర‌బృందం ప్ర‌య‌త్నాలు చేస్తున్న‌ట్టు తెలుస్తోంది.