ప్ర‌భాస్ కంటే ముందే పార్టీ ఇచ్చాడు!

ఇండ‌స్ట్రీలో బ‌ర్త్ డే పార్టీల‌కు ఉండే హైప్ గురించి తెలిసిందే. సినిమాకి ప్ర‌చారం.. వ్య‌క్తిగ‌తంగా అభిమానం చాటుకునే అవ‌కాశం రెండూ క‌లిసొస్తాయి. అందుకే వాటికి అంతటి ప్రాధాన్య‌త‌. `సాహో` గాళ్ శ్ర‌ద్ధాక‌పూర్ బ‌ర్త్ డే మార్చి -3. ఇప్ప‌టికే సాహో టీమ్ శ్ర‌ద్ధాకి అదిరిపోయే గిఫ్ట్ ని రెడీ చేసింది. రేప‌టి ఉద‌యం శ్ర‌ద్ధా క‌పూర్ లుక్ ని లాంచ్ చేస్తోంది. అంతేకాదు.. షేడ్స్ ఆఫ్ సాహో చాప్ట‌ర్ 2 పేరుతో మేకింగ్ వీడియోని రిలీజ్ చేస్తున్నారు. ఇందులో శ్ర‌ద్ధ స్టైల్‌ ఓ లెవ‌ల్లో ఎలివేట్ చేస్తున్నార‌ని తెలుస్తోంది. అదంతా స‌రే.. శ్ర‌ద్ధాకి డార్లింగ్ ప్ర‌భాస్ వ్య‌క్తిగ‌తంగా ఎలాంటి బ‌ర్త్ డే కానుక ప్లాన్ చేశాడు? అంటే అది ఇప్ప‌టికీ టాప్‌ సీక్రెట్.

ప్ర‌స్తుతం ఈ విష‌య‌మై ప్ర‌భాస్ ఫ్యాన్స్ లో ఆస‌క్తిక‌ర చ‌ర్చ సాగుతోంది. శ్ర‌ద్ధా క‌పూర్ కి డార్లింగ్ ప్ర‌భాస్ ఎలాంటి ట్రీట్ ఇస్తున్నాడు? బ‌ర్త్ డే గిఫ్ట్ గా ఏం ఇస్తున్నాడు? ఇంత‌కీ ప్ర‌భాస్ కి హిడెన్ ఎజెండా ఏదైనా ఉందా? అంటూ ముచ్చ‌టించుకుంటున్నారు. అయితే ప్ర‌భాస్ కి కాంపిటీష‌న్ కూడా ఉంది. ప్ర‌భాస్ కంటే ముందే ఆ కుర్ర‌హీరో మాత్రం తొంద‌ర ప‌డ్డాడు. బ‌ర్త్ డే పార్టీని సెల‌బ్రేట్ చేసేశాడు. ఎవ‌రా కుర్ర‌హీరో అంటారా?

సాహో గాళ్ ప్ర‌స్తుతం సైమ‌ల్టేనియ‌స్ గా `స్ట్రీట్ డ్యాన్స‌ర్స్` అనే చిత్రంలో న‌టిస్తోంది. అందులో కోస్టార్ వ‌రుణ్‌ ధావ‌న్ అప్పుడే అడ్వాన్స్ డ్‌ బ‌ర్త్ డే పార్టీ చేసేశాడు!! ప్ర‌స్తుతం ఈ జంట లండ‌న్ లో ఉన్నారు. అక్క‌డే షూటింగ్ స్పాట్ లో శ్రద్ధా క‌పూర్ కి స్ట్రీట్ డ్యాన్స‌ర్స్ టీమ్ పార్టీ ఇచ్చింది. ఇంత‌కీ ధావ‌న్ బోయ్ ఇచ్చే గిఫ్ట్ ఏంటో? తెలీదు కానీ, అత‌డు మాత్రం బ‌య‌టికి రివీల్ అయిన వీడియోలో ఆ గుంపులో హైలైట్ కాలేదు. శ్ర‌ద్ధా బ‌ర్త్ డే సంద‌ర్భంగా.. బ్యాచిల‌ర్స్‌ వ‌రుణ్ ధావ‌న్ - ప్ర‌భాస్ ఇద్ద‌రిలో ఎవ‌రు శ్ర‌ద్ధాతో క్యాండిల్ లైట్ డిన్న‌ర్ చేసేది? అంటూ ఆస‌క్తిక‌రంగా డిస్క‌షన్ సాగుతోంది. సాహో ఆగ‌స్టు 15న రిలీజ‌వుతోంది. అలాగే స్ట్రీట్ డ్యాన్స‌ర్ చిత్రం న‌వంబ‌ర్ 8న రిలీజ‌వుతోంది. అంటే ఒకే ఏడాదిలో శ్ర‌ద్ధా న‌టించిన‌ రెండు క్రేజీ సినిమాలు రిలీజ‌వుతున్నాయి. స్ట్రీట్ డ్యాన్స‌ర్ డ్యాన్స్ బ్యాక్ డ్రాప్ చిత్రం. ఇందులో ప్ర‌భుదేవాతో పాటు నోరా ఫ‌తేహి అదిరిపోయే డ్యాన్సింగ్ విన్యాసాలు చేయ‌బోతున్నార‌ని తెలుస్తోంది. సాహో ఇండియాస్ మోస్ట్ అవైటెడ్ యాక్ష‌న్ చిత్రం. త‌దుప‌రి సైనా నెహ్వాల్ బ‌యోపిక్ పైనా శ్ర‌ద్ధా దృష్టి సారించ‌నుంది.