బాహుబలికే షాకిచ్చిన బాలీవుడ్ భామ

బాహుబలి తర్వాత ప్రభాస్ కు సూపర్ హీరో ఇమేజ్ వచ్చేసిన సంగతి తెలిసిందే. ఇప్పటికీ ప్రభాస్ ఎక్కడికి వెళ్లినా బాహుబలిగానే గుర్తిస్తున్నారు జనాలు. ఇప్పుడప్పుడే బాహుబలి నుంచి ప్రభాస్ ను విడదీయడం చాలా కష్టమైన విషయం. ఈ గుర్తింపును ఎంజాయ్ చేస్తూనే.. తనను తాను కొత్తగా ఆవిష్కరించుకునేందుకు ప్రయత్నిస్తున్నాడు యంగ్ రెబల్ స్టార్. అందులో భాగంగానే యాక్షన్ మూవీగా సాహోను యాక్సెప్ట్ చేసి.. మూవీ షూటింగ్ చేసేస్తున్నాడు.

ఈ సినిమాలో బాలీవుడ్ భామ శ్రద్ధా కపూర్ హీరోయిన్ గా నటిస్తున్న సంగతి తెలిసిందే. శ్రద్ధా కపూర్ కి 13-14 రకాల హైద్రాబాదీ వంటకాలతో.. ప్రభాస్ ఏర్పాటు చేశాడని.. రీసెంట్ గా మనం చెప్పుకున్నాం. అయితే.. అంతకు ముందే ప్రభాస్ కే పెద్ద షాక్ ఇచ్చిందట శ్రద్ధా కపూర్. అది కూడా కేవలం మాటలతోనే కావడం విశేషం. అంతగా మాటలతో మాయ ఏం చేసేసిందనేగా మీ డౌట్.. ప్రభాస్ నటించిన ప్రతీ సినిమా గురించి తెగ మాట్లాడేసిందట శ్రద్ధా కపూర్. తన సినిమాల గురించి తన కంటే ఎక్కువగా మాట్లాడేస్తున్న శ్రద్ధా కపూర్ ను చూసి షాక్ తినేశాడట ప్రభాస్.

ఇందుకోసం ముందునుంచే ప్రీ ప్లాన్డ్ గా ఉందిట ఈ బాలీవుడ్ బ్యూటీ. ప్రభాస్ తో నటించేందుకు ఒప్పుకున్న వెంటనే.. మన డార్లింగ్ గత చిత్రాల అన్నిటినీ వరుసగా తెగ చూసేసిందట శ్రద్ధ. తనతో యాక్టింగ్ చేసేందుకు బాడీ లాంగ్వేజ్ అర్ధం చేసుకునేందుకు ఇలా చేసిందని తెలుస్తోంది. నార్త్-సౌత్ సినిమాల మధ్య అంతరం ఉంటుందనే విషయం తెలియడంతో.. అందుకు తగ్గట్లుగా ప్రిపేర్ అయేందుకు.. ప్రభాస్ కు స్వీట్ షాక్ ఇవ్వాలనే ఫీలింగ్ తో.. మొత్తం మన ప్రభాస్ యాక్ట్ చేసిన అన్ని మూవీస్ చూసేసిందట శ్రద్ధా కపూర్.