స‌క్సెస్ కిక్కులో 'సాహో' శ్ర‌ద్ధ‌!!

ప్ర‌స్తుతం ముంబై కి వెళితే శ్ర‌ద్ధా క‌పూర్‌ ని అంతా `సాహో` శ్ర‌ద్ధా అనే పిలిచేస్తున్నార‌ట‌. సాహో బాలీవుడ్‌ లో ఆ రేంజులో బ్రాండ్ అయిపోయింది. ఒక‌ప్పుడు ఆషికి 2 శ్ర‌ద్ధ అనేవారు. ఇప్పుడు మాత్రం `సాహో` శ్ర‌ద్ధ అని ఫిక్స్ చేసేశారు. బాహుబ‌లి హీరో ప్ర‌భాస్ స‌ర‌స‌న ల‌క్కీ ఛాన్స్ కొట్టేసిందంటూ సాటి నాయిక‌లు కుళ్లుకుంటున్నార‌ని ఉత్త‌రాది మీడియా క‌థ‌నాలు అల్లేస్తోంది. అదంతా అటుంచితే సాహో శ్ర‌ద్ధ న‌టించిన `స్త్రీ` చిత్రం రిలీజై సైలెంట్‌ గా బంప‌ర్ హిట్ కొట్టింది. ఈ స‌క్సెస్ కోస‌మే ఇన్నాళ్లు క‌ళ్లు కాయ‌లు కాసేలా ఎదురు చూశాన‌ని శ్ర‌ద్ధ ఉబ్బిత‌బ్బిబ్బ‌యిపోతోంది. కొన్ని వ‌రుస ప‌రాజ‌యాల త‌ర్వాత ద‌క్కిన గ్రాండ్ విక్ట‌రీ ఇది. రాక్ ఆన్ 2 - హ‌సీనా పార్క‌ర్‌ - ఓకే జాను చిత్రాలు బాక్సాఫీస్ వ‌ద్ద ఫ్లాప‌వ్వ‌డంతో శ్ర‌ద్ధ కొంత‌కాలంగా నెర్వ‌స్‌గా ఉంది.

అయితే స్త్రీ రిలీజై స‌క్సెసైతే సెల‌బ్రేష‌న్ చేసుకునేందుకే శ్ర‌ద్ధ‌కు తీరిక చిక్క‌లేదు పాపం. ప్ర‌భాస్‌ తో `సాహో` కోసం భారీ షెడ్యూల్స్ చేస్తూ బిజీబిజీ ఉంది. అందుకే చివ‌రికి సెట్స్‌లోనే సెల‌బ్రేష‌న్స్ చేసుకునేందుకు సిద్ధ‌మైంది. సాహో సెట్‌ లోనే స్త్రీ సెల‌బ్రేష‌న్స్ చేసుకోవ‌డం ఇంట్రెస్టింగ్. ఈ వీడియో ప్ర‌స్తుతం సామాజిక మాధ్య‌మాల్లో జోరుగా వైర‌ల్ అవుతోంది. కొలీగ్స్‌ తో క‌లిసి శ్ర‌ద్ధా ఎంతో చిలౌట్ మూవ్‌ మెంట్‌ లో జోవియ‌ల్‌ గా క‌నిపిస్తోంది.

ఇంత‌కీ సాహోలో ఎలాంటి పాత్ర‌లో చేస్తున్నారు? అని ప్ర‌శ్నిస్తే - ఇందులో ఏదో ఇలా వ‌చ్చి అలా వెళ్లే పాత్ర కాదు. ప్ర‌తిపాత్ర‌కు ప్రాధాన్య‌త ఉంది. న‌టించేందుకు ఆస్కారం ఉన్న పాత్ర‌లో న‌టిస్తున్నాన‌ని శ్ర‌ద్ధా తెలిపింది. ఈ సినిమా క‌థ ఒక రెగ్యుల‌ర్ క‌థ కాదు. ఊహాతీతం అనిపించే స్టోరితో సినిమా తీస్తున్నార‌ని కితాబిచ్చింది. ప్ర‌తి ఒక్క‌రికి మెమ‌రీగా నిలిచిపోయే చిత్ర‌మ‌వుతుంద‌ని తెలిపింది. మొత్తానికి శ్ర‌ద్ధాకి ఇక ముందు అన్నీ గుడ్ డేస్ అనే చెప్పాలి.