సాహో షూటింగ్ తో శ్రద్ధ దానికి దూరం!

ప్రభాస్ హీరోగా నటిస్తున్న 'సాహో' పై భారీ అంచనాలు నెలకొన్న విషయం తెలిసిందే. ఈ సినిమాలో ప్రభాస్ కు జోడీగా బాలీవుడ్ బ్యూటీ శ్రద్ద కపూర్ హీరోయిన్ గా నటిస్తోంది. ఈమధ్యే 'సాహో' కొత్త షెడ్యూల్ హైదరాబాద్ లోని రామోజీ ఫిలిం సిటీలో ప్రారంభం అయింది. ఈ షెడ్యూల్ లో పాల్గొనడం కోసం ముంబై నుండి శ్రద్ధ హైదరాబాద్ వచ్చింది. సోషల్ మీడియాలో ఈ విషయంపై అప్డేట్ ఇచ్చేసింది 'సాహో' భామ.

అంతా బాగానే ఉంది కానీ శ్రద్ధకు మాత్రం ఒక విషయంలో బెంగగా ఉందట. శ్రద్ధకు షైలో పేరున్న ఒక పెంపుడుకుక్క ఉంది. ఆ షైలోను అస్సలు విడిచిపెట్టి ఉండలేదట. కానీ ఇప్పుడు హైదరాబాద్ షెడ్యూల్ కారణంగా శ్రద్ధ దానికి దూరంగా ఉండాల్సి వచ్చిందట. అందుకే షైలో పై కాస్త దిగులు పడిందట. మరి ప్రొఫెషన్ కోసం కొన్ని త్యాగాలు చెయ్యక తప్పదు కదా.

ఇండిపెండెన్స్ డే సందర్భంగా 'సాహో' సినిమాను విడుదల చేస్తామని ఈమధ్యే నిర్మాతలు ప్రకటించారు. దాదాపు రూ.250 కోట్ల బడ్జెట్ తో తెరకెక్కుతున్న 'సాహో' కనుక హిట్ అయితే.. నార్త్ తో పాటూ సౌత్ మొత్తం శ్రద్ధ పేరు మార్మోగడం ఖాయమే.