ప్రభాస్ హీరోయిన్ కు త్రివిక్రమ్ సాహో

మాటల మాంత్రికుడు త్రివిక్రమ్ శ్రీనివాస్ తో సినిమా చేయడం కోసం ఎన్టీఆర్ చాలా రోజులుగా వెయింటింగ్ ఉన్నాడు. పవర్ స్టార్ పవన్ కళ్యాణ్ సినిమా అజ్ఞాతవాసి పూర్తయిన వెంటనే త్రివిక్రమ్ ఎన్టీఆర్ సినిమా పనులు మొదలెట్టేయాల్సి ఉంది. అజ్ఞాతవాసి అందరి అంచనాలను తలకిందులు చేస్తూ బాక్సాఫీస్ వద్ద మొత్తంగా బోల్తా కొట్టింది. త్రివిక్రమ్ సినిమా తీసిన తీరుపై అభిమానులు తీవ్రంగా నిరాశ చెందుతారు.

దీంతో ఎన్టీఆర్ సినిమాకు సంబంధించి స్క్రిప్ట్ మరింత మెరుగ్గా తయారు చేయడంపై దృష్టి పెట్టాడు. అంతేకాకుండా కాస్టింగ్ విషయంలోనూ రెండో ఆలోచన చేస్తున్నాడని తెలుస్తోంది. ముందుగా ఈ సినిమాలో హీరోయిన్ గా అను ఇమ్మానుయేల్ నే తీసుకోవాలని అనుకున్నారు. ఇప్పుడు ఆ ప్లేస్ లో బాలీవుడ్ భామ శ్రద్ధకపూర్ ను తీసుకోవడం గురించి ఆలోచిస్తున్నారనేది టాలీవుడ్ లో లేటెస్ట్ గా వినిపిస్తున్న మాట. ఎన్టీఆర్ - శ్రద్ధకపూర్ జంట తెలుగు ప్రేక్షకులకు కొత్త లుక్ ఇస్తుందని ఆలోచనలో మిగతా యూనిట్ కూడా ఉందని తెలుస్తోంది.

శ్రధ్ధ కపూర్ ప్రస్తుతం ప్రభాస్ తో సాహోలో నటిస్తోంది. బాహుబలి తరవాత ప్రభాస్ పక్కర నటిస్తున్న హీరోయిన్ గా ఇప్పటికే టాలీవుడ్ లో శ్రద్ధకు కావాల్సినంత పాపులారిటీ వచ్చింది. ఈ భామకు ఆ క్రేజ్ ఉండటం సినిమాకు ప్లస్సవుతుందని త్రివిక్రమ్ టీంలోని మిగతా సభ్యులు కూడా అనుకుంటున్నారట. ఇదేగాని వర్కవుట్ అయితే శ్రద్ధ టాలీవుడ్ లో డబుల్ బంపర్ ఆఫర్ కొట్టేసినట్టే.