శ్ర‌ద్ధా ఇటూ అటూ ప‌రుగులు

కుడి ఎడ‌మైతే పొర‌పాటు లేదోయ్‌.. ఓడిపోలేదోయ్‌!.. బాలీవుడ్ క‌థానాయిక అయినంత మాత్రాన టాలీవుడ్‌ లో న‌టించ‌కూడ‌ద‌ని రూలేం లేదు. ఈ విష‌యాన్ని గ్ర‌హించి ప్ర‌భాస్ స‌ర‌స‌న `సాహో` సినిమా కోసం సంత‌కం చేసింది శ్ర‌ద్ధా క‌పూర్‌. ఆషికి 2 గాళ్‌ గా పిచ్చిగా అభిమానించే శ్ర‌ద్ధాని డార్లింగ్ వెంట‌నే ఓకే చేసుకున్నాడు. ప్ర‌స్తుతం సాహో సెట్స్ పై ఉంది. చిత్రీక‌ర‌ణలో వేగం పెంచారు.

అయితే ఈ స‌న్నివేశం శ్ర‌ద్ధ క‌పూర్‌కి ఊహించ‌ని స్ట్రెస్ పెంచుతున్న‌ట్టే క‌నిపిస్తోంది. ఓవైపు అటు బాలీవుడ్‌ లో తాను న‌టించిన సినిమాలు రిలీజ్‌ ల‌కు రెడీ అవుతున్నాయి. ఆ క్ర‌మంలోనే వాటి ప్ర‌చారం కోసం ముంబై వెళ్లి తిరిగి హైద‌రాబాద్ షూట్‌ కి రావాల్సి వ‌స్తోంది. అప్ప‌టిక‌ప్పుడే విమానం టిక్కెట్టు బుక్ చేసుకుని అటు ఇటు ప‌రిగెట్టేస్తోందిట‌.

అలా ఈరోజు ముంబై విమానాశ్ర‌యంలో శ్ర‌ద్ధా ఊహించ‌ని గెట‌ప్‌ లో ద‌ర్శ‌న‌మిచ్చింది. క‌నీసం టిప్ టాప్‌గా రెడీ అయ్యి ప్ర‌యాణం చేసేందుకైనా టైమ్ చిక్క‌లేదేమో.. అయ్య‌య్యో పాపం! అని అభిమానులు కంగారు ప‌డిపోయారు. ఉన్న ఫ‌లాన తాను ఎలా ఉందో అలా క్యాజువ‌ల్ డ్రెస్‌ లో వ‌చ్చేసింది. వంగ‌పువ్వు రంగు బాట‌మ్‌ - దానిపైన తెల్ల‌ని బ‌నియ‌న్, చున్నీతో అలా సింపుల్‌ గా వ‌చ్చేసింది. ముంబై ఎయిర్‌ పోర్ట్‌ లో కెమెరా ఫ్లాష్‌ లు త‌ళుక్కుమ‌నడంతో ఆ ఫోటోలు ప్ర‌స్తుతం టాలీవుడ్‌ లో జోరుగా వైర‌ల్ అయిపోతున్నాయి. ఏది ఏమైనా శ్ర‌ద్ధాలోని క‌మిట్‌ మెంట్‌ ని మెచ్చాల్సిందే. త్వ‌ర‌లో రిలీజ్‌ కి రెడీ అవుతున్న స్త్రీ ట్రైల‌ర్ లాంచ్ వేడుక‌కు వెళ్లి - తిరిగి సాహో షెడ్యూల్ కోసం హైద‌రాబాద్‌ కి విమానం ఎక్కేసింద‌న్న‌మాట‌!