పోలీసులకే గన్​ ఎక్కుపెడితే ఊరుకుంటారా మరి? పాప్​ సింగర్​ అరెస్ట్​..!

పంజాబీ పాప్‌ సింగర్‌ శ్రీ బ్రార్‌ ను ఇటీవల పోలీసులు అరెస్ట్​ చేశారు. శ్రీ బ్రార్​ ఇటీవల విడుదల చేసిన ఓ పాట తీవ్ర వివాదాస్పదం అయ్యింది. ఆ పాటలో అతడు పోలీసులకు గన్​ ఎక్కుపెడుతూ కనిపించాడు. వివాదాస్పదం అయినప్పటికీ ఈ పాటకు యువతను బాగా ఆకర్షించింది. అనూహ్యరీతిలో వైరల్​ అయ్యింది. వ్యూస్​ లక్షల్లో ఏకంగా ఏకంగా కోటి దాటాయి. ఏకంగా కోటి నలబై లక్షల మంది ఈ పాటను చూశారు. మరోవైపు ఈ పాట పంజాబ్​ ప్రభుత్వానికి కూడా వ్యతిరేకంగా ఉందని సమాచారం. అక్కడ కాంగ్రెస్​ అధికారంలో ఉన్న విషయం తెలిసిందే. సీఎం అమరీందర్​ సింగ్ ​కు ఈ పాట కోపం తెచ్చిందట. దీంతో వెంటనే అతడిని అరెస్ట్ చేయాలని ఆదేశాలు జారీ చేశారు.

ఈ పాట నెలక్రితం విడుదలై సంచలనం సృష్టించింది. ఈ పాట గన్​ కల్చర్ ​ను ప్రోత్సహించేలా ఉందని పోలీసులు అంటున్నారు. పంజాబ్​ కు చెందిన ప్రముఖ పాప్​ సింగర్​ శ్రీ బ్రార్‌ ఇటీవల ‘జాన్’ పేరుతో ఓ పాటను విడుదల చేశారు. ఈ పాటలో పోలీసులకే గన్​ ఎక్కుపెట్టాడు శ్రీబ్రార్​. మరోవైపు ప్రభుత్వానికి - పోలీసులకు కూడా ఈ పాట సాహిత్యంలో వ్యతిరేకత ధ్వనించింది. మరోవైపు ఈ సాంగ్​ విన్న యువత ఉర్రూతలూగిపోయారు. కేవలం స్వల్ప వ్యవధిలోనే దాదాపు కోటి నలబైలక్షల మందిని వీక్షించారు. అయితే ఈ పాట పంజాబ్​ సీఎంకు కోపం తెప్పించింది. పోలీసులకు కూడా ఎక్కడో కాలింది. అందుకే సింగర్​ను అరెస్ట్​ చేసి లోపలేశారు.

ఈ వీడియలోలో శ్రీ బ్రార్‌ తోపాటు బార్బీ మాన్‌ అనే లేడీ ర్యాపర్ - గుర్నీత్‌ దొసాంజ్‌ అనే పాప్‌ ఆర్టిస్ట్‌ నటించారు. సాహిత్యం మాత్రం బ్రార్​ దే. ఈ వీడియో సాంగ్‌ లో నటించిన గుర్నీత్‌ రెండు చేతుల్తో రెండు గన్స్‌ పట్టుకుని పోలీస్‌ స్టేషన్‌ లోకి వెళ్తాడు. స్టేషన్‌ లోని పోలీసుల్ని టపాటపామని లేపేసి - లాకప్‌ లాక్‌ లను పేల్చేసి తన నిందితులైన స్నేహితులను విడిపిస్తాడు. ఈ హీరోయిజాన్నంతా బార్బీ ఆరాధన భావంతో చూస్తూ ఉంటుంది.

వెనక బ్యాక్​ గ్రౌండ్ ​లో సాంగ్​ ప్లే అవుతూ ఉంటుంది. ‘ ఓ జాట్​ కుర్రాడా నీకు మీసాలొచ్చాయి. నీకు నువ్వే ఓ బ్రాండ్​వి. నేరాన్ని శ్వాసించే వాళ్లంతా నీ వాళ్లే. అందుకే వాళ్లను విడిపించి తీసుకొని వెళ్తున్నారు. ఇక్కడున్న పోలీసులకు నువ్వేంటే చూపించు’ ఇటువంటి అర్థం వచ్చేలా ఈ పాట లిరిక్​ సాగుతుంది. అయితే ఈ పాట గన్​ కల్చర్ ​ను - మాఫియా డాన్​ లను - గ్యాంగ్​ లను ప్రేరేపించేలా ఉందని పోలీసులు ఆరోపిస్తున్నారు. మాఫియా పేరుతో గతంలో ఎన్నో సినిమాలు వచ్చాయి.

పోలీసులను కొట్టే సినిమాలను.. పోలీసులను రౌడీలుగా చిత్రీకరించే సినిమాలు కూడా వచ్చాయి. గ్యాంగ్​ స్టర్లను ఉత్తములుగా కీర్తించే సినిమాలు వచ్చాయి అయినప్పటికీ ప్రస్తుతం ఓ పాటపై పోలీసులు ఫైర్​ అవ్వడం ఆశ్చర్యంగా ఉంది. శ్రీ బ్రార్‌ 2016లో పాప్​ సింగర్​ అయ్యాడు. అతడో ఆర్ట్​ స్టూడెంట్​. కరన్‌ అవుజ్లా - దిల్‌ ప్రీత్‌ థిల్లాన్‌ తో కలిసి పాడిన పంజాబీ సాంగ్‌ ‘యార్‌ గ్రరీబాజ్‌’తో ఇతడొకడున్నాడని ఇండీపాప్‌ సీనియర్‌ ఆర్టిస్టుల దృష్టిలో పడ్డాడు. అయితే అతడిపై ఈ కేసు ఎక్కువ కాలం నిలువదని అతడు త్వరలోనే జైలు నుంచి బయటకు వస్తారని అంటున్నారు ఫ్యాన్స్​.