హ‌బ్బీని అలా ముంబైకి లాక్కొచ్చిన శ్రీయ‌

భార్య పోరును త‌ట్టుకోలేని సుతులు ఎంద‌రో ఈ లోకంలో. తాను ప‌ట్టిన కుందేటికి మూడేకాళ్లు! అనే టైప్ భార్యల‌కు లొంగే బాప‌తుకు కొద‌వేమీ లేదు. శ్రీయ వ్య‌వ‌హారం.. చూస్తుంటే హ‌బ్బీ ఆండ్రూ కోశ్చీవ్ కి ముకుతాడు వేసి ఇండియాకి ర‌ప్పిస్తున్న‌ట్టే ఉంది. గ‌డిచిన మూడేళ్లుగా స్పెయిన్ లోనే నివాసం ఉంటున్న ఈ జంట అక‌స్మాత్తుగా ముంబైకి ఊడిప‌డ‌డం వెన‌క మిస్ట‌రీ ఏమిటో ఆరా తీస్తే అస‌లు గుట్టు తెలిసింది.

నిజానికి స్పెయిన్ కి చెందిన‌ క్రీడాకారుడు ఆండ్రూ కోశ్చీవ్ ని ఎలాగైనా ఇండియాకు తీసుకురావాల‌నేది శ్రీయ కోరిక‌. ముంబైకి వ‌చ్చేస్తే ఇక్క‌డే క‌థానాయిక‌గా త‌న సినీకెరీర్ ని కొన‌సాగించే వీలుంటుంద‌ని ఒప్పించిందిట‌. అందుకే ఇటీవ‌లే స‌డెన్ గా స‌రికొత్త ఫోటోషూట్ తో ఇండ‌స్ట్రీ వ‌ర్గాల‌కు హీట్ పెంచిన శ్రీయ అస‌లు విష‌యం మొత్తం లీకులిచ్చింది.

ఇప్ప‌టికే ద‌ర్శ‌క‌నిర్మాత‌ల‌కు ఒక రేంజులోనే ఫీల‌ర్స్ ని పంపింది. 37ఏళ్ల శ్రీయ‌కు ఇంకా పిల్ల‌ల్ని క‌నే ఆలోచ‌న లేద‌ట‌. ప్ర‌స్తుతం కెరీర్ పైనే శ్ర‌ద్ధ పెట్టాట‌ని భావిస్తోంది. ఆర్.ఆర్.ఆర్ లో ఓ అతిథి పాత్ర‌లో మెర‌వ‌నున్న ఈ బ్యూటీ ఇక పై బాలీవుడ్ లోనూ అవ‌కాశాల్ని ఒడిసిప‌ట్టాల‌ని ప్లాన్ చేస్తోంద‌ట‌. అందుకే ముంబైలోనే కాపురం స్టార్ట్ చేశార‌ని గుస‌గుస‌లు వినిపిస్తున్నాయి.