#టెంప్టింగ్ లుక్.. మ‌ళ్లీ అగ్గి రాజేసిన‌ శ్రీ‌య

శ్రీ‌య ఈజ్ బ్యాక్ ఎగైన్.. ఈసారి వ‌స్తూనే అగ్గి రాజేసింది. పింక్ బికినీలో కాక‌లు పుట్టించింది. క్రైసిస్ కాలం అయినా ఈ రేంజులో విరుచుకుప‌డిందేమిటి? అన్న డౌట్ వ‌స్తే దానికి కార‌ణం లేక‌పోలేదు. శ్రీ‌య తిరిగి రీఎంట్రీ కోసం ప్ర‌ణాళిక‌ల్లో ఉంది. ఈసారి కేవ‌లం తెలుగు చిత్ర‌సీమ‌పైనే కాదు.. ముంబై చిత్ర‌సీమ పైనా గురి పెడుతున్నాన‌ని హింట్ ఇచ్చింది.

గ‌త నాలుగేళ్లుగా స్పెయిన్ లో ఉండి ఇటీవ‌లే భారతదేశానికి తిరిగి వ‌చ్చింది ఈ బ్యూటీ. ఇదే విష‌యాన్ని శ్రీ‌య స్వ‌యంగా వెల్ల‌డించింది. త‌న భర్త ఆండ్రూ కోశ్చీవ్ ప్రోద్భ‌లంతో ముంబై ప‌రిశ్ర‌మ‌పైనా దృష్టి సారించే ఆలోచ‌న ఉన్న‌ట్టు హింట్ కూడా ఇవ్వ‌డం ప్ర‌స్తుతం చ‌ర్చ‌నీయాంశ‌మైంది.

దాదాపు రెండు ద‌శాబ్ధాల పాటు సౌత్ లో కెరీర్ సాగించిన శ్రీ‌య ఇటీవ‌ల త‌న భ‌ర్త‌తో జాలీ లైఫ్ ని ఎంజాయ్ చేసింది. ఇప్పుడు తిరిగి ఇండ‌స్ట్రీలో కంబ్యాక్ అయ్యేందుకు త‌న‌వంతు ప్ర‌య‌త్నాలు ప్రారంభించింది. ఆ క్ర‌మంలోనే ద‌ర్శ‌క‌నిర్మాత‌ల‌కు వ‌రుస ఫోటోషూట్ల‌తో ఫీల‌ర్స్ వ‌దులుతోంది. శ్రీ‌య తిరిగి రావ‌డంతో ఇక‌పై తిరిగి టాలీవుడ్ లో సీనియ‌ర్ హీరోలు ఆప్ష‌న్ ల‌భించిన‌ట్టే.

పాన్ ఇండియా మూవీ ఆర్.ఆర్.ఆర్ లో శ్రీ‌య అతిథి పాత్ర‌లో మెరవ‌నుంది. అలాగే క్రిష్ నిర్మించిన‌ గ‌మ‌నం అనే చిత్రంలోనూ శ్రీ‌య న‌టించింది. ఇవ‌న్నీ రిలీజ్ ల‌కు రావాల్సి ఉంది. ఇక నాగార్జున బంగార్రాజులోనూ శ్రీ‌య ఎంట్రీ ఉంటుందేమో వేచి చూడాలి.