పది తలల హీరోతో.. హాట్ లేడీ

మన సినిమాల్లో హీరో చిన్ననాటి పాత్రలలో.. చిన్న పిల్లలు నటించడం చూస్తూనే ఉంటాం. ఈ సినిమాలకు క్రేజ్ పెంచడానికి.. ఆయా హీరోల వారసులనే అడపాదడపా చూపిస్తూ మెప్పించేస్తుంటారు. 1 నేనొక్కడినే చిత్రంలో మహేష్ బాబు కుమారుడు గౌతమ్ ను ఇలాగే చూశాం.

అయితే.. మరీ చిన్న వయసు రోల్స్ కాకుండా ఉంటే.. అంటే యంగ్ ఏజ్.. ఓల్డ్ ఏజ్ క్యారెక్టర్స్ అయితే.. ఆయా హీరోలే పోషించేస్తుంటారు. కాసింత గెటప్ మార్చేసి.. జుట్టుకు రంగేసి క్యారెక్టర్స్ పూర్తి చేసేస్తుంటారు. కానీ మోహన్ బాబు నటిస్తున్న లేటెస్ట్ మూవీ గాయత్రి విషయంలో మాత్రం కొత్త ప్రయోగానికి తెర తీస్తున్నట్లుగా కనిపిస్తోంది. ఈ మూవీలో మోహన్ బాబు ఏజ్డ్ రోల్ లోనే కనిపించనున్నారు. ఆయనకు జోడీగా.. ముూవీలో హీరోయిన్ గా సీనియర్ బ్యూటీ శ్రియా శరణ్ నటిస్తోంది.

అయితే.. ఈ పాత్రలకు 90ల కాలంలో నడిచే కథ ఉంటుందట. ఆ ఫ్లాష్ బ్యాక్ ఎపిసోడ్ లో మోహన్ బాబు తాను నటించకుండా.. వేరే యాక్టర్ ను సెలెక్ట్ చేయడం ఒక షాక్ అయితే.. ఆ పాత్రకు తన కుమారుడు మంచు విష్ణునే తీసుకోవడం మరీ ఆశ్చర్యకరం. ఈ ఫ్యాష్ బ్యాక్ ఎపిసోడ్ కి సంబంధించి విష్ణుతో కలిసి తన పెయిర్ ఎలా ఉందో చూపిస్తూ.. శ్రియా ఓ లుక్ ను రివీల్ చేసేసింది. పది తలలతో కనిపిస్తున్న విష్ణు ప్రక్కనే.. శ్రీయ బాగానే ఉంది. 90లలో వచ్చిన హీరోయిన్ తరహాలో ఫ్లాష్‌ బ్యాక్ ఎపిసోడ్ లో అలా మెరిసిందనమాట.

ఒకే సినిమాలో తండ్రీ కొడుకులు ఇద్దరికీ జోడీగా నటించడం అంటే శ్రియా పెద్ద ధైర్యమే చేసేస్తోంది. కాకపోతే శ్రీయ ఏజ్జ్ మోహన్ బాబు పక్కన కనిపిస్తుందా కనిపించట్లేదా అనేది మాత్రం సందేహమే.