పోరా.. 'శ్రియ'మంతుడా..

సూపర్ స్టార్ మహేష్ బాబు శ్రీమంతుడు సినిమాలో సైకిల్ తొక్కుకుంటూ వచ్చే సీన్.. సూపర్బ్ గా క్లిక్ అయింది. మహేష్ ఒక్కడు సైకిల్ తొక్కుతుంటే.. పక్కన భారీకాయులు జాగింగ్ చేస్తూ వచ్చే సన్నివేశాన్ని చూడ్డానికి మాటలు చాలవు. ఈ సీన్ ను ఇప్పటికే చాలామంది స్పూఫ్ చేసేశారు. కామెడీ కోసం విచ్చలవిడిగా వాడేశారు. ఇప్పుడు శ్రియ కూడా ఇలాంటి సీన్ లోనే కనిపించేసింది.

అదేంటీ.. హీరోయిన్ శ్రియ కూడా స్పూఫ్ లు వేస్తోందా అనుకోవచ్చు కానీ.. రియల్ లైఫ్ లోనే ఇలా మహేష్ ను ఇమిటేట్ చేస్తున్నట్లుగా శ్రియ కనిపించింది. తాజాగా ఓ ప్రైవేట్ సంస్ధ ఇన్ఫినిటీ రైడ్ నిర్వహించింది. 10 కిలోమీటర్ల పాటు సైకిల్ తొక్కాల్సిన ఈ ఈవెంట్ కి రాణా - శ్రియ - రెజీనా - సంజనలు కూడా హాజరయ్యారు. అందరూ ఒకే కానీ.. శ్రియ మాత్రం షార్ట్స్ వేసుకొచ్చి ఓ రేంజ్ లో రెచ్చిపోయింది. ఈ కార్యక్రమంలో పాల్గొన్న సెలబ్రిటీలకు ఫుల్ సెక్యూరిటీ కూడా ఏర్పాటు చేశారు.

ఇలా సెక్యూరిటీ వాళ్లు చుట్టూరా బైక్ పై వస్తుంటే.. మధ్యలో శ్రియ పొట్టి నిక్కర్ వేసుకుని సైకిల్ తొక్కేసింది. ఈ సీన్ లో శ్రియను చూస్తే.. అచ్చు మహేష్ బాబును ఇమిటేట్ చేసినట్లే ఉంది. మొత్తానికి అనుకోకుండా అయినా.. టాలీవుడ్ ప్రిన్స్ ని భలేగా ఫాలోగా అయిపోయింది ఈ భామ.