ఖైదీలో టాగూర్ హీరోయిన్ ఉందా!?

ఖైదీ నంబర్ 150 రెడీ ఫర్ రిలీజ్ అన్న రేంజ్ లో సిద్ధమైపోయింది. ప్రీ రిలీజ్ ఈవెంట్ కోసం థియేట్రికల్ ట్రైలర్ ను వాయిదా వేయాల్సి వచ్చింది కానీ.. అది కూడా వచ్చేసి ఉంటే ఈపాటికి మెగా రచ్చ మామూలుగా ఉండేది కాదు. కోలీవుడ్ కత్తికి రీమేక్ గా తెరకెక్కిన ఈ చిత్రానికి.. దర్శకుడు వివి వినాయక్ చాలానే మార్పులను చేశాడట.

ఆల్రెడీ కాజల్ అందాలు లక్ష్మీ రాయ్ చిందులతో హీటెక్కిన #మెగా150 చిత్రంలో శ్రియ కూడా కనిపించనుందనే టాక్ వినిపిస్తోంది. ఇప్పటివరకూ రిలీజ్ చేయని చిరంజీవి పాత్రకు సంబంధించిన లుక్ ఒకటి.. ఖైదీ నంబర్ 150లో ఉంటుంది. సాఫ్ట్ గా కనిపించే ఆ రోల్.. హైడ్రాలజీ పోస్ట్ గ్రాడ్యుయేట్ పాత్ర. ఆ రోల్ కు జోడీగా శ్రియతో నటింపచేశారని అంటున్నారు. ఒరిజినల్ లో శ్రియ రోల్ ఉండదుకానీ.. తెలుగు వెర్షన్ కి మరింత గ్లామర్ అద్దడంతో పాటు.. సెంటిమెంట్ ని రిపీట్ చేయడం కోసం ఈ పాత్రను ఎంటర్ చేశారని టాక్.

ఇది మురుగదాస్ స్టోరీతో తెరకెక్కుతున్న మూవీ అనే సంగతి తెలిసిందే. గతంలో కూడా ఠాగూర్ మూవీని కూడా ఇలాగే మురుగదాస్ కథతో.. వివి వినాయక్ దర్శకత్వంలో.. శ్రియ హీరోయిన్ గా తీసి బ్లాక్ బస్టర్ సాధించారు.ఇప్పుడదే సెంటిమెంట్ ను రిపీట్ చేయడం కోసం.. ఓ చిన్న పాత్రను శ్రియకోసం రూపొందించారట. స్క్రీన్ మీద కొద్ది సేపు మాత్రమే కనిపించే ఈ పాత్రను.. ఆడియన్స్ ను థ్రిల్ చేయడం కోసం రివీల్ చేయడం లేదట ఖైదీ యూనిట్.

Like Us on Facebook : https://www.facebook.com/Tupakidotcom/