ఫ్రెండ్లీ బడ్జెట్ హీరొయిన్ శ్రేయ

ఇప్పుడున్న పరిస్థితుల్లో ఒక హీరొయిన్ కెరీర్ మహా అయితే ఐదేళ్ళు లేదా మరో రెండేళ్ళు ఎక్స్ ట్రా. ఆ తర్వాత అవకాశాలు క్రమంగా తగ్గడం మెల్లగా క్యారెక్టర్ రోల్స్ వైపు మళ్ళడం సాధారణంగా జరిగేదే. కాని శ్రేయ అందుకు మినహాయింపుగా నిలుస్తోంది. యూత్ హీరోల సరసన చేయనప్పటికీ సీనియర్ హీరోలకు తనే బెస్ట్ ఛాయస్ గా మారుతోంది. గత ఏడాది బాలకృష్ణ తన రెండు సినిమాలకు శ్రేయనే తీసుకున్నాడు. అంతకు ముందు ఊపిరిలో నాగ్ పక్కన తనే ఆప్షన్ గా నిలిచింది. మొన్నటికి మొన్న గాయత్రిలో సైతం విష్ణు పక్కన శ్రేయనే తీసుకోవడం కొంత ప్లస్ అయ్యింది. అందుకే తన డిమాండ్ ను తగ్గించుకోకుండా చేతికి వచ్చిన అవకాశాలు వదులుకోకుండా బిజీగా ఉండేలా చూసుకుంటోంది.

తేజ దర్శకత్వంలో వెంకటేష్ హీరోగా కొత్త సినిమా స్టార్ట్ అయిన సంగతి తెలిసిందే. దీనికి హీరొయిన్ గా చాలా ఆప్షన్స్ అనుకున్నారు కాని చక్రం చివరికి శ్రేయ దగ్గర ఆగిపోయింది. దీనికి కారణం చాలా రీజనబుల్ రెమ్యునరేషన్ తో చేయడానికి శ్రేయ ముందుకు రావడమే అని తెలిసింది. కాజల్ లాంటి వాళ్ళు కోటి దాకా డిమాండ్ చేస్తుండగా అందులో జస్ట్ సగానికంటే కొంచెం ఎక్కువ అంటే జస్ట్ 60 లక్షల్లో శ్రేయ చేస్తాను అని చెప్పడంతో తేజ ఎక్కువ ఆలోచన చేయకుండా కన్ఫర్మ్ చేసుకునట్టు తెలిసింది. అఫీషియల్ గా చెప్పాల్సి ఉంది. కొద్ది రోజుల రోజుల క్రితం ఈ సినిమా కోసమే తేజ భారీ ఎత్తున ఆడిషన్స్ కూడా చేసాడు.

నారా రోహిత్ కూడా నటిస్తున్న ఈ మూవీకి ఆటా నాదే వేటా నాదే అనే టైటిల్ పరిశీలనలో ఉంది. ఏ జానర్ అనేది బయట పెట్టనప్పటికి వెంకీ ఇందులో కాలేజీ ప్రొఫెసర్ గా కనిపిస్తాడు అనే టాక్ ఉంది. నేనే రాజు నేనే మంత్రి సక్సెస్ తర్వాత ఒకేసారి బాలయ్య ఎన్టీఆర్, వెంకీ సినిమా కమిట్ అయిన తేజ ముందు ఇదే ఫినిష్ చేయనున్నాడు. బాలయ్య రెస్ట్ లో ఉన్న కారణంగా అది కొంత ఆలస్యం అయ్యే అవకాశం ఉంది.