అవి ఐటమ్స్ కాదు.. చాలా స్పెషల్

ఎవరు అవునన్నా... ఎవరు కాదన్నా కమర్షియల్ సినిమాల్లో ఐటం సాంగ్ లకు ఓ ప్రత్యేక గుర్తింపు ఉంది. మాంచి బీటున్న సాంగుతో ప్రేక్షకులతో విజిల్స్ వేయించి వారితో స్టెప్పులు వేయించే సత్తా ఐటం సాంగులకే ఉంది. ముమైత్ ఖాన్ కు ఒకానొక దశలో హీరోయిన్ రేంజి తెచ్చిపెట్టింది ఐటం సాంగులే. కష్టం తక్కువ.. కాసులెక్కువ వచ్చేది కావడంతో వీటిలో చిందేయడానికి హీరోయిన్లు సైతం సై అంటున్నారు. టాప్ హీరోయిన్లలో చాలామంది ఐటం సాంగ్స్ చేశారు.

పుట్టి పెరిగింది నార్త్ లో అయినా సౌత్ లో టాప్ హీరోయిన్ స్థాయికి వెళ్లిన శ్రియ సరన్ మాత్రం వీటిని ఐటం సాంగులంటే ఎంతమాత్రమూ ఒప్పుకోదు. పైపెచ్చు ఆ మాట వింటేనే పైరయిపోతుంది. వాటిని ‘స్పెషల్ సాంగ్స్’ ఈ అమ్మడి సలహా. రీసెంట్ గా కృష్ణవంశీ డైరెక్షన్ లో వచ్చిన నక్షత్రం సినిమాలో శ్రియ ప్రత్యేక గీతానికి డ్యాన్స్ చేసింది. ఈ పాట చేయడానికి కారణం కృష్ణవంశీయే అంటోంది శ్రియ. ఆయనపై ఉన్న అభిమానంతోనే ఆ పాట చేయడానికి ఓకే చెప్పానంటోంది. ‘నేను కేవలం డబ్బుల కోసం ఇలాంటి సాంగ్స్ చేయను. నేను చేసిన స్పెషల్ సాంగ్స్ నాకు నచ్చాయి కాబట్టి చేశాను అంటోందీ తర్టీ ప్లస్ బ్యూటీ. ఇంతకు ముందు మున్నా - దేవదాస్ - కొమరం పులి సినిమాల్లో శ్రియ ఐటం సాంగ్స్ లో.. సారీ స్పెషల్ సాంగ్స్ చేసింది.

శ్రియతో పాటు ఇండస్ట్రీలోకి వచ్చిన వారిలో చాలామంది పెళ్లి చేసుకుని సెటిలైపోయారు. మరి నీ పెళ్లెప్పుడని శ్రియని అడిగితే తాను పెళ్లి చేసుకుంటే అది పెద్దలు చూసిన సంబంధమే అవుతుందని చెప్పింది. ఎట్టి పరిస్థితుల్లోనూ ప్రేమ పెళ్లి చేసుకోబోనని కరాఖండిగా చెబుతోంది. అంతే కాదు... పెళ్లి తర్వాత సినిమాలకు బైబై చెప్పేస్తానని కూడా అంటోంది. పూరీ జగన్నాథ్ డైరెక్షన్ లో బాలకృష్ణ హీరోగా నటించిన పైసా వసూల్ లో శ్రియ మరోసారి వెండితెరపై కనిపించనుంది.