శ్రీయ వ‌ర్సెస్ మెగా ప్రిన్సెస్‌!

దాదాపు ద‌శాబ్ధంన్న‌ర కెరీర్‌ అనుభ‌వంతో మేటి క‌థానాయిక‌గా వెలుగులు విర‌జిమ్మిన శ్రీయ‌తో మెగా ప్రిన్సెస్ నిహారిక లొల్లేంటి? అస‌లింత‌కీ ఆ ఇద్ద‌రి మ‌ధ్యా వేడెక్కించే ఆ మ్యాట‌ర్ ఏంటో.. అంటారా? అయితే డీప్‌ గా మ్యాట‌ర్‌ లోకి వెళ్లాల్సిందే.

అందాల శ్రీయ పెళ్లి త‌ర్వాత కంబ్యాక్ కోసం ఎంతో ఆత్రంగా ఎదురు చూస్తున్న సంగతి తెలిసిందే. ఆ క్ర‌మంలోనే టాలీవుడ్‌ లో సెర్చ్ స్టార్ట్ చేసింది. ఈ సెర్చ్ బాగానే ఫ‌లించి ఓ రెండు అవ‌కాశాల్ని అందుకుంది. అందులో సుజ‌న అనే ఓ యంగ్ డైరెక్ట‌ర్‌ తో సినిమా ఇటీవ‌లే మొద‌లైన సంగ‌తి తెలిసిందే. ఆస‌క్తిక‌రంగా ఈ చిత్రంలో  శ్రీయ‌తో క‌లిసి మెగా ప్రిన్సెస్ నిహారిక క‌థానాయిక‌గా న‌టిస్తోంది. మ‌ళ్లీ మ‌ళ్లీ ఇది రాని రోజు - కంచె - గౌత‌మిపుత్ర శాత‌క‌ర్ణి చిత్రాల సినిమాటోగ్రాఫ‌ర్ వి.ఎస్‌.జ్ఞాన శేఖ‌ర్ ఈ చిత్రానికి ఛాయాగ్ర‌హ‌ణం అందిస్తున్నారు. స్వ‌ర‌మాంత్రికుడు ఇళ‌య‌రాజా సంగీతం అందిస్తున్నారు. అయితే ఈ క్రేజీ ప్రాజెక్టులో శ్రీయ పాత్ర ఏంటి?  నిహారిక పాత్ర ఏంటి? అన్న‌ది ఇప్ప‌టికైతే స‌స్పెన్స్. ఇటీవలే వ‌రుణ్ క్లాప్‌ తో - క్రిష్ ఆశీస్సుల‌తో మొద‌లైన ఈ సినిమా అప్‌ డేట్ రావాల్సి ఉందింకా. సాధ్య‌మైనంత తొంద‌ర్లోనే అధికారిక‌ అప్‌ డేట్ అంద‌నుంద‌ని శ్రీయ లుక్‌ - నిహారిక లుక్‌ ని లాంచ్ చేయ‌నున్నార‌ని తెలుస్తోంది. మ‌రోవైపు అందాల శ్రీయ యాంగ్రీ హీరో రాజ‌శేఖ‌ర్ స‌ర‌స‌న ప్ర‌శాంత్ వ‌ర్మ ద‌ర్శ‌క‌త్వంలో న‌టించ‌నుంద‌ని ప్ర‌చార‌మవుతున్న సంగ‌తి తెలిసిందే.