బాయ్ ఫ్రెండ్ గుట్టు విప్పేసిన శృతి

దక్షిణాది సోయగం శృతి హాసన్.. ఇప్పుడు ఫుల్ బిజీ అనే విషయం తెలిసిందే. తెలుగు.. తమిళ్.. హిందీ భాషల్లో సినిమాలు చేసేస్తూ.. బ్రాండ్ అండార్స్ మెంట్ ను పట్టేస్తూ తెగ బిజీగా ఉంటుంది ఈ భామ. బాలీవుడ్ లో అంటూ అడుగు పెట్టాక అడుగడుగునా ఏదో ఒక రూమర్ వస్తూనే ఉంటుంది. అలాగే శృతి బాయ్ ఫ్రెండ్స్ అంటూ అక్కడ పెద్ద లిస్టే వినిపిస్తోంది.

తాజాగా ఈ బ్యూటీ ఓ హ్యాండ్సమ్ యంగ్ మ్యాన్ తో ఎయిర్ పోర్టులో కనిపించింది. ఇతను లండన్ బేస్డ్ యాక్టర్ కావడం.. ప్రొఫెషన్స్ కలవడంతో ఈ మైకేల్ కోర్సలేను శృతి హాసన్ లవర్ అంటూ అన్వయించేశారు మీడియా జనాలు. సహజంగా ఇలాంటి రూమర్స్ పై శృతి స్పందించదు కానీ.. ఈసారి మాత్రం ఎందుకనో ఈ విషయాన్ని సీరియస్ గా తీసుకుంది. మైకేల్ కు తనకు మధ్య ఏమీ లేదని మైకు పట్టుకుని మరీ అరిచి చెప్పేసింది.

జస్ట్ తామిద్దం మంచి ఫ్రెండ్స్ మాత్రమే ఓ పెద్ద క్లారిటీ కూడా ఇచ్చిన శృతి.. తనకు ఎవరితోనూ రిలేషన్స్ లేవని డీటైల్డ్ గా వివరించింది. దీంతో మైకేల్ తో ఈమె చెట్టాపట్టాల సంగతి అంతా జస్ట్ ఫ్రెండ్షిప్ మాత్రమే అని సరిపెట్టుకోవాల్సిన పరిస్థితి వచ్చింది. ఇక సినిమాల విషయానికి వస్తే.. వచ్చే నెలలో రిలీజ్ కానున్న పవన్ కళ్యాణ్ మూవీ కాటమరాయుడుతో.. తెలుగు ప్రేక్షకులను పలకరించనుంది శృతి హాసన్.

Like Us on Facebook : https://www.facebook.com/Tupakidotcom/