థండరింగ్ థర్టీస్ లోకి శృతి ఎంట్రీ

జనవరి 28.. శృతిహాసన్ బర్త్ డే. ఈ అమ్మడు పుట్టి ఇప్పటికి ముప్ఫై ఏళ్లు పూర్తయింది. కమల్ కూతురిగా ఇండస్ట్రీలోకి ఎంట్రీ ఇచ్చినా.. ఇప్పుడు శృతిహాసన్ కు దేశవ్యాప్తంగా గుర్తింపు ఉంది. సొంత ట్యాలెంట్ తో నిలబడ్డం అంటే ఏంటో.. ఈ పొడగరి సొగసరిని చూసి నేర్చుకోవచ్చు. మొదట్లో ఐరన్ లెగ్ అని ముద్ర వేయించుకున్నా.. ఇప్పుడు గోల్డెన్ లెగ్ అనే రేంజ్ కి చేరుకుంది శృతి హాసన్.

అసలు శృతిహాసన్ ఫేట్ మార్చేసింది పవర్ స్టార్ పవన్ కళ్యాణ్. గబ్బర్ సింగ్ బ్లాక్ బస్టర్ తర్వాత.. ఈమె ఏ మూవీ విషయంలోనూ తడబడలేదు. ఈ భామ కనిపిస్తే చాలు సూపర్ హిట్ అనే సెంటిమెంట్ వరకూ శృతి ప్రయాణం సాగుతోంది. గతేడాది శృతిని కెరీర్ కి ఇప్పటివరకూ బెస్ట్ అనాల్సిందే. తెలుగు - తమిళ్ - హిందీ భాషల్లో సూపర్ హిట్స్ సాధించి.. మూడు ఇండస్ట్రీల్లోనూ ఒకే ఏడాది వంద కోట్లు వసూలు చేసిన సినిమాల్లో నటించిన రికార్డ్ సృష్టించింది. వారసత్వంగా వచ్చిన అద్భుతమైన నటనతో పాటు.. అందాల విందు చేయడంలో ఏ మాత్రం తడబడకపోవడం.. ఈ వయ్యారికి అదనపు అడ్వాంటేజ్.

ఈ పొడుగు భామ బర్త్ డేకి రెండు రోజుల ముందు నుంచే అభిమానుల నుంచి విషెస్ వెల్లువెత్తాయి. ఇంతమంది అభిమానాన్ని పొందగలిగానంటే.. నేను చాలా అదృష్టంవతురాలిని అంటూ ట్వీట్ చేసింది. అంతే కాదు.. ఇంతమంది తన బర్త్ డేనాడు విషెస్ చెప్పడంతో ఉబ్బితబ్బిబ్బవుతున్నానని చెప్పింది బర్త్ డే బేబీ శృతి హాసన్.