శ్రుతి మామూలు డ్యాన్సర్ కాదండోయ్

‘గబ్బర్ సింగ్’లో ఊరికే అలా వయ్యారంగా నడుస్తుంటేనే శ్రుతి హాసన్ ను చూసి ఫ్లాటై పోయారు తెలుగు ఆడియన్స్. కెరీర్ ఆరంభంలో సాత్వికంగా ఉండే పాత్రలే వేసింది కానీ.. తర్వాత తర్వాత స్టైలిష్ రొమాంటిక్ క్యారెక్టర్ల లో చెలరేగిపోయింది శ్రుతి. బలుపు - ఎవడు - రేసుగుర్రం లాంటి సినిమాల్లో తన స్టెప్పులతో ఓ ఊపు ఊపింది శ్రుతి. ముఖ్యంగా రేసుగుర్రం సినిమాలో అల్లు అర్జున్ కు ఏమాత్రం తీసిపోని రీతిలో ఆమె వేసిన స్టెప్పులు తెలుగు ప్రేక్షకుల మతి పోగొట్టాయి. ఐతే అవన్నీ ఒక ఎత్తు అయితే.. ఇప్పుడు శ్రీమంతుడు సినిమాలో శ్రుతి వేసిన స్టెప్పులు మరో ఎత్తు అని చెప్పాలి. మహేష్ బాబు కూడా ఆమె ముందు డ్యాన్సుల్లో తగ్గిపోయాడంటే అందులో అతిశయోక్తి ఏమీ లేదు.

చారుశీలా స్వప్న బాలా పాటలో శ్రుతి వేసిన స్టెప్పులు చూస్తే దిమ్మదిరిగిపోవడం ఖాయం. అక్కడ శ్రుతి స్టెప్పులేస్తోందా లేకుంటే ఎవరైనా ప్రొఫెషనల్ డ్యాన్సర్ ను పెట్టి మేనేజ్ చేస్తున్నారా అని సందేహం కలిగేలా మెరుపు వేగంతో స్టెప్పులేసి అదరగొట్టింది శ్రుతి. కేవలం వేగం మాత్రమే కాదు.. స్టైల్, రిథమ్ విషయంలోనూ తనకు తిరుగులేని చాటి చెప్పింది. చివర్లో వచ్చే దిమ్మతిరిగే పాటలోనూ అంతే. ఓ రేంజిలో మాస్ స్టెప్పులేసి ఇరగదీసింది. మహేష్ ఫ్యాన్స్ ఫీలైతే అవ్వొచ్చు కానీ.. డ్యాన్సుల్లో కంప్లీట్ డామినేషన్ శ్రుతిదే. ఇక గ్లామర్ విషయంలోనూ శ్రుతి ఏమాత్రం తగ్గలేదు. మహేష్ ఆమెను డామినేట్ చేస్తే చేసి ఉండొచ్చు కానీ.. శ్రుతి తన వంతుగా ఎంతందంగా కనిపించాలో అంతందంగా కనిపించింది. నటన విషయంలోనూ మంచి మార్కులే కొట్టేసిన శ్రుతి మరో మంచి సక్సెస్ ను తన ఖాతాలో వేసుకుని.. టాలీవుడ్ లక్కీ గర్ల్ అనే ముద్రను మరింద పదిలం చేసుకుంది.